Ալիևը մտադիր է Արցախում հիմնել «խելացի քաղաքներ» և «խելացի գյուղեր»` մինչև 2030 թվականը

Ադրբեջանը մտադիր է մոբիլիզացնել բոլոր ռեսուրսներն ու շահագրգիռ կողմերին՝ աշխուժացնելու Ղարաբաղը՝ վերածելով «խելացի քաղաքների» և «խելացի գյուղերի»: Այս մասին գրում են ադրբեջանական ԶԼՄ-ները: 

Աղբյուրները փոխանցում են, որ հատուկ ուշադրություն է դարձվելու առավել խոցելի խմբերի՝ 1 միլիոն «ներքին տեղահանվածների և փախստականների» կարիքներին։

Առաջին գյուղը, որը վերակառուցվեց որպես «խելացի գյուղ», Զանգիլանի (Կովսական-խմբ․)թաղամասի Աղալի գյուղն էր, ինչպես նաև այս թաղամասի հարակից հատվածները՝ Աղալի 1, Աղալի 2։

«Խելացի գյուղերի» կառուցման հայեցակարգը ներառում է էկոլոգիապես մաքուր տներ, վերականգնվող էներգիայի աղբյուրներ և նոր ենթակառուցվածքներ, որոնք ապահովում են դպրոցներ, տներ, մանկապարտեզներ և այլ տեսակի շենքեր կանաչ էներգիայի սպառման համար, որոնք կբաշխվեն խելացի գյուղերի տարածքում:

Ադրբեջանի կողմից օկուպացված տարածքներում «Մեծ վերադարձ» առաջին պետական ծրագիրը նախատեսում է ավելի քան 40 հազար ընտանիքի վերադարձ մինչև 2026 թվականի վերջ:

Ծրագրի շրջանակներում «խելացի գյուղ» հայեցակարգի հիման վրա նախատեսվում է վերականգնել 470 հա ընդհանուր մակերեսով գյուղը, որտեղ առաջին փուլում նախատեսվում է վերադարձնել ավելի քան 6000 մարդ:

Ըստ ծրագրի` աշխատանքներն վերջնական տեսքի կբերվեն մինչև 2030 թվականը: