Փաշինյանը 6 ժամ թռնում է Գրանադա, իսկ Բիշքեկ գալ չի կարողանում. Ալիևը դժգոհել է

«Մեզ նման միջնորդներ պետք չեն»,-այս մասին հայտարարել է Ադրբեջանի նախագահ Իլհամ Ալիևը՝ ի նկատի ունենալով Ֆրանսիային։ Եվրոպական այս երկրին Ալիևը մեղադրել է «դիվանագիտական բոլոր նորմերի կոպիտ խախտման, վիրավորանքների, կեղտոտ ակնարկների, սադրանքների ու սուտ  հայտարարությունների համար»։

Նրա խոսքով, եթե որևէ մեկը ցանկանում  է զբաղվել միջնորդությամբ, ապա այն չպետք է PR ակցիայի բնույթ ունենա, այլ պետք է ուղղված լինի արդյունք ստանալուն։

«Ռուսաստանի միջնորդությունը մենք գոհունակությամբ ենք ընդունում, քանի որ Ռուսաստանը մեր հարևանն է ու դաշնակիցը, նաև Հայաստանի դաշնակիցը և գտնվում է մեր տարածաշրջանում` ի տարբերություն նրանց, ովքեր հազարավոր կիլոմետրեր  հեռու են։ Եվ, բնականաբար, մեր երկրների հարաբերությունների պատմությունը բնականաբար ներառում է ռուսական կողմի միջնորդությունը։ Մենք դրական ենք ընդունել այս առաջարկը, և մեր արտգործնախարարը պատրաստ է հանդիպել իր՝ ռուս և հայ գործընկերների հետ։ Ցավոք, հայկական կողմը հրաժարվեց այս հանդիպումից։ Հիմա հարց է ծագում։ Հայաստանը ցանականո՞ւմ է խաղաղություն, եթե ցանկանում է, ապա չէր հրաժարվի այդ հնարավարությունից։ Հայաստանի վարչապետը վեց ժամ թռնում է Գրանադա, մասնակցում անհասկանալի հանդիպման, որտեղ քննարկվում է Ադրբեջանի հարցն առանց Ադրբեջանի, իսկ 2-3 ժամ Բիշքեկ թռնել չի կարող, նա կարևոր գործեր ունի։ Այս ամենի մասին պետք է բաց խոսել»,-ասել է Ալիևը։

Նա նշել է, որ Ադրբեջանը պատրաստ է Հայաստանի հետ հարաբերությունների կարգավորմանը, շարունակել աշխատել խաղաղության պայմանագրի շուրջ։

«Եթե Ռուսաստանի Դաշնության միջնորդությունը մերժվի հայկական կողմից, կարծում եմ, որ այլընտրանք կարող են լինել Ադրբեջանի և Հայաստանի արտգործնախարարների միջև ուղիղ բանակցությունները։ Մենք կվերլուծենք ցանկացած այլ հարթակ՝ հաշվի առնելով այն երկրների վերաբերմունքը, որոնք իրենց ծառայություններն են առաջարկում ճշմարտությանը՝ ոչ թե Ադրբեջանին, այլ ճշմարտությանը և միջազգային իրավունքին»,- ասել է Ալիևը ԱՊՀ երկրների հետախուզական ծառայությունների ղեկավարների հետ հանդիպման ժամանակ։