Չդարձավ գեներալ, դարձավ «պոռնոզվեզդա». Սամվել Բաբայանն ավելի լավ է գետինը մտներ. Արիանա Հովսեփյան

Համացանցում շրջանառվում է սկանդալային 18+ հեռախոսաձայնագրություն` ենթադրաբար Արցախի պաշտպանության նախկին նախարար, «Միասնական հայրենիք» կուսակցության նախագահ Սամվել Բաբայանի մասնակցությամբ, որտեղ նա ինտիմ զրույց է վարում ինչ-որ մի աղջկա հետ: Վերոնշյալին իր ֆեյսբուքյան էջում անդրադառնալու համար` թիրախավորվել է Newspress.am կայքի հիմնադիր-տնօրեն ԱՐԻԱՆԱ ՀՈՎՍԵՓՅԱՆԸ: Սամվել Բաբայանի թիմակիցներից մեկը սպառնում է նրան անձնական հաշվեհարդարով: Ինչ է իրականում տեղի ունեցել, «Իրավունք»-ը մանրամասներ պարզեց Ա. Հովսեփյանից:

— Սոցցանցերում ակտիվ քննարկվում է հանրահայտ դարձած ձայնագրության բովանդակությունը: Ինչո՞վ է պայմավորված, որ թիրախավորվեցիք հենց Դուք:

— Ամբողջ հանրապետությունում պտտվել է այդ ձայնագրությունը, ինձ էլ էին ուղարկել, սարսափելի էր…Ձայնագրության մեջ ինչ «բուլկի» ասես ուտում է Սամվել Բաբայանը: Բոլորն են լսել ու եթե անկեղծ` ինձ էլ է շատ հետաքրքիր, թե ինչու հենց ես թիրախավորվեցի: Երեւի, այդ մասին իմ ֆեյսբուքյան գրառումները շատ ազդեցիկ էին եւ սուր, բացի այդ իմ գրառումներն ունեն մեծ լսարան: Սկզբում կարծում էի, թե ինձ սպառնացող Դավիթ Բաբայան անձը Սամվել Բաբայանի եղբոր որդին է, բայց հետո պարզվեց, որ իր կուսակցության անդամներից է: Նա ինձ գրել էր, թե` «բարի գուն, էս իմ հեռախոսի համարն ա, մի հատ թափով զանգի ինձ»: Պատասխանեցի` «խի ունե՞մ զանգելու քեզ, դու ո՞վ ես»: Երբ սկսեց ինձ ամենավերջին հայհոյանքները գրել, զանգահարեցի ու Արցախը հանձնած, թուրքի կողմից հարգված, իմ կողմից ատելի, դավաճան, Ադրբեջանի ստրուկ Սամվել Բաբայանի ձագուկն ասաց. «Ես հենց հիմա Կոմիտասում եմ, դավայ արա, արի ստեղ»: Ես էլ ասացի. «Թումանյանում եմ, դավայ արա, արի, եթե տղա ես»: Ինքն էլ, թե` «արա, գլխիցդ ես քեզ կխփեմ, ով ես դու»: Ու ամենատարօրինակն ու հետաքրքիրն այն էր, ինչը ծիծաղ էր առաջացրել ինձ մոտ, որ բազմաթիվ հայհոյախառը հաղորդագրություններից հետո` ինձ ասում է` «խի դու նո՞ր ես լսել էդ զապիսը»: Բանից պարզվում է` իր համակիրներն ու կուսակցության անդամներն այդ «զապիսը», ավելի ճիշտ` «պոռնոզապիսը» նոր չեն լսել:

— Փաստորեն, չեն էլ հերքո՞ւմ, որ գուցե այդ ձայնագրությունը սարքած է…

— Ինչ վերաբերում է նրան, որ ասում են` մոնտաժ է արված, սարքած է, բա թող Սամվել Բաբայանը հերքեր, չնայած` իրենցից հեռու չէ: Էլ ինչի՞ մասին է խոսքը, երբ ինձ սպառնացող Դավիթ Բաբայանն է հենց ասում, որ «խի դու նո՞ր ես լսում էդ զապիսը»: Ասացի` «հա, նոր եմ լսում այդ զապիսի մասին ու գետինն եմ մտնում»: Հետո էլի վիրավորական խոսքեր ասաց իմ հասցեին, թե` «քո մասին շատ բան գիտենք, մի հատ գինդ կասե՞ս»: Ասացի` «Բաբայանը հոպարդ է, ինչդ է, ձրի ինչ պետք ա, ուտում ա, հարցրու իրեն, ինքն ուղղություն կտա, թե որտեղ գնային կռիվներ տաք»: Վերջում էլ հավելեցի, որ կդիմեմ ոստիկանություն, տեսնենք` «դուխդ կհերիքի՞ գաս ինձ գլխից խփես», էլ չպատասխանեց գրածներիս, երեւի արդեն սթափվել էր, հետո էլ, թե` «սպասում եմ»: Համենայնդեպս, թող սամվելբաբայանական ստրուկները, լնգուլավազ լակոտները չկարծեն, թե կարող են այս ու այն կողմ մարդկանց վախեցնել, ինչպես ժամանակին անում էին Արցախում, որն իրենց ձեռքերով հանձնեցին Ադրբեջանին: Ըստ շրջանառվող լուրերի, Սամվել Բաբայանը եւ իր շրջապատը ժամանակին Արցախում անմեղ աղջիկներ էին բռնաբարում, թալանում: Դուք էլ, երեւի, լսած կլինեք:  

— Արդեն դիմե՞լ եք ոստիկանություն` Ձեզ ուղղված սպառնալիքների հետ կապված:

— Չեմ դիմել, բայց հրապարակային, իհարկե մի քիչ հումորային, իմ ֆեյսբուքյան էջում գրել եմ այդ մասին: Ամեն դեպքում, ոստիկանությունը թող ընդունի այն` որպես հաղորդում հանցագործության մասին: Ի դեպ, երկու շաբաթ առաջ էլ մի մարմնավաճառ էր իմ դեմ արշավ սկսել, տեսանյութեր էր հրապարակում, որտեղ խաղում էր անվանս հետ, սուտ հերյուրանքներ էր տարածում: Ասեմ, որ արդեն բացահայտված է, թե ով էր կանգնած նրա հետեւում` ինձ մտերիմ մարդ: Շուտով կբացահայտվի նաեւ ուղղությունը, թե որտեղից է եղել հրահանգված, ինչ հանգամանքներում: Այն ժամանակ դիմել էի ոստիկանություն եւ շատ օպերատիվ արձագանքել էր քննչականը: Մոտ ժամանակներս հուսամ` ձայնը կլսեք: Մեր հասարակության միջից պետք է մեկուսացնել սամվելբաբայանանման լակոտիկներին եւ մարմնավաճառներին, ովքեր սոցցանցերում ազատ խաղում են մարդկանց անվան հետ: Ժամանակն է մաքրել այս հասարակությունը:

— Իսկ երբեւէ առնչություն ունեցե՞լ եք Սամվել Բաբայանի հետ, ինչը կարող էր նաեւ պատճառ դառնալ հիմա իր թիմակիցների կողմից նման վարքագծի:

— Երկու տարի առաջ, երբ պատերազմը նոր էր ավարտվել եւ Սամվել Բաբայանը կրկին գտնվում էր Երեւանում, տեսա, որ իմ մեքենայի առջեւից ընթանում է իր մեքենան: Տեսանյութ նկարեցի, որտեղ երեւում էր իր թանկարժեք 4-երով համարներով X7-ը ու տեղադրեցի իմ ֆեյսբուքյան էջում` հարց բարձրացնելով, թե ինչպես է լինում, որ Սամվել Բաբայանը շատ արագ հարստանում է, նման թանկարժեք մեքենա է վարում: Դրանից հետո, նորից ինձ սպառնալիքներ էին հղում, անձամբ Սամվել Բաբայանն է ինձ զանգել, թե` «դու ինձ չես ճանաչում», իր այս նույն թիմակից Դավիթ Բաբայան կոչվածն էլ է այն ժամանակ զանգահարել: Պատկերացրեք, որ ստիպված եղա հենց Սամվել Բաբայանին ասել հետեւյալը. «Լսիր, բիձո՛ւկ, քո հետ հանդիպելու չունեմ, ձեզ խելոք պահեք»: Փաստորեն, նույնը կրկնվեց հիմա: Սամվելբաբայանական մարդուկները գլխից խփող են, թող թուրք խփեին, ոչ թե գան Երեւան ու ինձ սպառնան: Սամվել Բաբայանն ավելի լավ է գետինը մտներ, քան թե նման պոռնոգրաֆիկ ձայնագրությունը տարածվեր: Այստեղ են ասում` գեներալ են դառնում, որ անկողմնում «պոռնոզվեզդա» դառնան` հաշվի չառնելով այն վտանգը, որն իրենց գլխին ամեն վայրկյան պտտվում է: