Համաշխարհային առաջնորդներն ու խոշոր լրատվամիջոցները՝ ի պաշտպանություն գերեվարված Ռուբեն Վարդանյանի

Համաշխարհային առաջնորդներն ու խոշոր լրատվամիջոցները՝ ի պաշտպանություն Ադրբեջանի կողմից գերվարված Ռուբեն Վարդանյանի․

Aleteia քրիստոնեական լրատվական կայքում հոդված է հրապարակվել Արցախում տեղի ունեցած վերջին իրադարձությունների մասին:

Հատուկ ուշադրություն է դարձվել Ռուբեն Վարդանյանի ոչ իրավաչափ ձերբակալությանը, որի պաշտպանության համար համաշխարհային առաջնորդներն ու հասարակական գործիչները կոլեկտիվ նամակ են հղել։ 

Վարդանյանի մարդասիրական նախաձեռնություններին ծանոթ բժիշկ և միսիոներ Թոմ Քաթինան առանց վարանելու դատապարտել է Ռուբեն Վարդանյանի ձերբակալությունը. «Ռուբենի հետ ծանոթացել եմ մոտ վեց տարի առաջ և կարող եմ հաստատել նրա հրաշալի բնավորությունն ու բազում բարի գործերը: Ադրբեջանը տարրական դպրոցից սկսում է հայերի նկատմամբ ատելություն սովորեցնել, դրա համար էլ Ռուբենի մասին շատ անհեթեթություններ են տարածում։ Չնայած ադրբեջանցիները խոստանում են պաշտպանել Արցախի հայ բնակչությանը, նրանց ոչ ոք չի հավատում»,- նշել է Քաթինան:

Իտալական հայտնի Vatican News-ը գրում է․ 

«Արևմտյան կառավարությունները կոչ են արել Ադրբեջանին թույլ տալ միջազգային դիտորդներին այցելել Լեռնային Ղարաբաղ՝ հետեւելու տեղի բնակչության հետ կատարվածին, սակայն թույլտվություն դեռ չի տրամադրվել․

Պարբերականը նաև գրում է, որ Արցախից վրա Ադրբեջանի հարձակումը հանգեցրել է բնակելի տների և դպրոցների ավերման, վնասման․

«Նրանք սոսկալի ռմբակոծում էին մեզ։ Երեխաները թաքնվել էին դպրոցում, - պատմել է ականատեսը,- այնուհետև ադրբեջանցիները ականանետով հարձակվել են դպրոցի վրա։ Տուժեցին մեր երեխաները»։ 

Նամակում, որտեղ հանդես են եկել նաև Կոստա Ռիկայի, Իռլանդիայի և Մեքսիկայի նախկին նախագահները, Վարդանյանի ձերբակալությունն անվանել են վրդովեցուցիչ և քաղաքական․ «Ռուբեն Վարդանյանը գերության մեջ է Լեռնային Ղարաբաղի ժողովրդին սատարելու և ժողովրդավարական ապրելակերպ վարելու իր իրավունքի պատճառով», – ասվում է ուղերձում: