Երևանում անցկացվեց Հայաստանի Այկիկենդո կարատեի ֆեդերացիայի՝ «Գարաժ Մաստերս Մոլ»-ի Գավաթի երկրորդ առաջնությունը (լուսանկարներ)

Հոկտեմբերի 22-ին Երևանում տեղի ունեցավ «Գարաժ Մաստերս Մոլ»-ի Գավաթի երկրորդ առաջնությունը՝ Հայաստանի Այկիկենդո կարատեի ֆեդերացիայի սաների շրջանում:

Մրցաշարին մասնակցել է 42 դպրոցի շուրջ 300 սան՝ Հայաստանի բոլոր մարզերից: 6-ից 16 տարեկան մարզիկները մրցել են 6 տարբեր տարիքային խմբերում՝ միավորներ վաստակելով իրենց դպրոցների համար:

«Մեր մասնաճյուղերի միջև մրցումների անցկացումը շատ կարևոր է Ֆեդերացիայի և մեր սաների զարգացման համար: Արդեն ավանդական դարձած «Գարաժ Մաստերս Մոլ»-ի Գավաթը՝ լավ հնարավորություն է գնահատելու տարվա ընթացքում կատարած աշխատանքը, տեսնելու մարզիկների առաջխաղացումը և, առհասարակ, խրախուսելու սպորտի մասսայականությունը մեր երկրում», - նշեց Հայաստանի Այկիկենդո կարատեի ֆեդերացիայի նախագահ Դավիթ
Աթանեսյանը:

«Գարաժ Մաստերս Մոլ»-ի Գավաթի այս տարվա առաջնությունն արդեն երկրորդն է: Առաջինն անցկացվել է 2022 թվականին. դրան մասնակցել է Հայաստանի Այկիկենդո կարատեի ֆեդերացիայի 37 դպրոցի շուրջ 250 սան:

Միջոցառման շրջանակում «Գարաժ Մաստերս Մոլ»-ի կողմից Ֆեդերացիայի սաները ստացել են մարզահագուստ՝ կիմոնո: Այս տարի ևս ընկերությունը նվիրել է մարզահագուստ Ֆեդերացիայի նորաստեղծ՝ Վանաձորի մասնաճյուղի սաներին:

«Գարաժ Մաստերս Մոլ»-ը խրախուսում է առողջ ապրելակերպը և աջակցում տարբեր մարզաձևերի զարգացմանը մեր երկրում: Մեզ մոտ գործում են ֆիթնես կենտրոնն ու բացօթյա մարզասարքեր: Անցած մեկ տարում մենք զարգացրել են մարզական ենթակառուցվածքները և այսօր մեզ մոտ անցկացվում են ոչ միայն կարատեի, այլ նաև ֆուտբոլի և բասկետբոլի մրցաշարեր: Եվ այս ծրագրերը շարունակական են», - նշեց «Գարաժ Մաստերս Մոլ» ընկերության
Գլխավոր տնօրեն Գոռ Մկրտչյանը:

Նշենք, որ «Գարաժ Մաստերս Մոլ»-ի Գավաթի առաջնության լավագույն մարզիկները հնարավորություն կստատան
ներկայացնելու Հայաստանը միջազգային մրցաշարերում: «Գարաժ Մաստերս Մոլ»-ի Գավաթի այս տարվա առաջնության հաղթող է ճանաչվել՝ Հայաստանի Այկիկենդո կարատեի ֆեդերացիայի Գեղարքունիքի մասնաճյուղը:

Հիշեցնենք, որ 2022 թվականի առաջնությունում հաղթել է ֆեդերացիայի Գավառի մասնաճյուղը: Երկրորդ և երրորդ տեղերն են զբաղեցրել համապատասխանաբար Երևանի և Իջևանի մասնաճյուղերը: