Երևանի և Ստավրոպոլի միջև ուղիղ ավիահաղորդակցություն կգործարկվի

Armenia Airways ավիաընկերությունը 2023 թվականի դեկտեմբերից կսկսի ուղիղ չվերթեր իրականացնել Ստավրոպոլի և Երևանի միջև։ Չվերթերը կիրականացվեն շաբաթական երկու անգամ: Այդ մասին հաղորդվում է Ստավրոպոլի օդանավակայանի Telegram ալիքում։

«Armenia Airways» ավիաընկերությունը սկսել է տոմսերի վաճառքը դեպի Հայաստանի մայրաքաղաք չվերթերի համար: Թռիչքները կսկսվեն դեկտեմբերի 2-ից՝ երեքշաբթի և շաբաթ օրերին։ Թռիչքի տևողությունը 1 ժամ է: Երթուղին սպասարկում է Boeing 737-300 օդանավը` 150 ուղևոր տարողունակությամբ», - ասված է հաղորդագրության մեջ։

Նախկինում Հայաստան թռչելու համար Ստավրոպոլի բնակիչները ստիպված էին մեկնել Միներալնիե Վոդիի օդանավակայան, որն ավտոմեքենայով երկու ժամվա ճանապարհ է։