Թուրքական «բայրաքթարներն» են սպանել մեր տղաներին․ պանթուրքիզմից վտանգավոր թրքահպատակ հայն է․ Շարմազանով

Պանթուրքիզմից վտանգավոր մեկ էլ թրքահպատակ հայն է։ Հայաստանի գլխավոր սպառնալիքը պանթուրքիզմն է։ Այդ մասին ֆեյսբուքյան իր էջում գրում է ՀՀԿ խոսնակ Էդուարդ Շարմազանովը․

«Թուրքիան է ժխտում Հայոց ցեղասպանությունը։

Թուրքիան է 1992-ի մայիսին,1993-ի փետրվարին եւ 1993-ի հոկտեմբերին ուղիղ պատերազմով սպառնացել Հայաստանին, որը չեզոքացվել է բացառապես ՌԴ-ի կոշտ արձագանքի շնորհիվ.1992-ի մայիսի 20-ին դա արեց մարշալ Շապոշնիկովը, 1993-ի ձմռանը՝ Պավել Գրաչովը,1993-ի հոկտեմբերին՝ Բորիս Ելցինը։

Թուրքիան է 1993-ին փակել հայ-թուրքական սահմանը՝ բլոկադայի ենթարկելով Հայաստանը։

Թուրքիան է Ադրբեջանին օգնել 44-օրյա պատերազմի ժամանակ։

Թուրքական «բայրաքթարներն» են սպանել  մեր հազարավոր տղաներին։

Թիւրքիան է արդարացնում ադրբեջանական հակահայ ռեժիմի քայլերը։

Ու սրանք անուղեղի նման Հայաստանը Արեւմուտքի պասով ուզում են սարքեն թուրքական հերթական վիլայեթը։

Պանթուրքիզմից վտանգավոր թրքահպատակ հայն է»,- գրել է Շարմազանովը։