Միջազգային հանրությունն իրենից ներկայացնում է, օրինակ, «Բիլդերբերգի ակումբը» և դրա նման պղտոր գլոբալիստական կենտրոններ, նրանց խնդիրը վաղուց ձևավորված է` աշխարհը պետք է ընկալվի որպես մեկ մեծ գյուղ. Լարիսա Ալավերդյան

Միջազգային հանրություն կոչվածը գտնվում է այնպիսի խմբի ձեռքին, և ոչ այնքան ժողովուրդներին է ներկայացնում, ինչքան, օրինակ, «Բիլդերբերգի ակումբը» և դրա նման պղտոր գլոբալիստական կենտրոնները: Այս մասին այսօր լրագրողների հետ զրույցում ասաց Հայաստանի նախկին ՄԻՊ, իրավապաշտպան Լարիսա Ալավերդյանը: 

«Նրանց համար 100.000 կամ 10.000 մարդը բոլորովին հաշվարկ չէ: Իրենց խնդիրը ձևավորված է վաղուց, որ աշխարհը պետք է ընկալվի որպես մեկ մեծ գյուղ, և այդտեղ պետք է լինի մի կառավարություն, որտեղ ընդգրկված են գումար ունեցողները, կապիտալի տիրակալները: Այսինքն` մենք այսօր պիտի հասկանանք, որ իրապես ծանր իրավիճակ է` ոչ միայն այն պատճառով, որ Հայաստանը զավթված է ներսից, տարիներ շարունակում եմ կրկնում, վտանգը ներսից պակաս չէ, քան դրսից, և հենց ներսի վտանգն է բերում դրսի վտանգները»,- ասաց Ալավերդյանը: 

Նրա խոսքով` նույն այդ միջազգային հանրությունը մեկ օրվա մեջ չի փոխվել. «Պետք է հիշեցնեմ, որ 1999 թվականին Եվրապառլամենտն ընդունել է որոշում, որտեղ գրված է, որ Լեռնային Ղարաբաղի հանրապետությունը կայացել է նույն օրենքներով ու նույն ձև, ինչ մնացած հանրապետություննները»,- ասաց Ալաբվերդյանը: