Փաշինյանն ասում էր` ես բանակցություններն սկսում եմ իմ կետից, զրոյական կետից, եթե հանձնում էին, թող ինքը չշարունակեր այդ հանձնելը. Տիրան Խաչատրյան

«Հայաքվե» նախաձեռնությունը երբեք ժամանակավրեպ չէ, այս պահին առավել ևս ժամանակավրեպ չէ: Այս մասին այսօր Ազգային ժողովի դիմաց «Հայաքվե»-ի ակցիայի ժամանակ ասաց ԳՇ պետի նախկին տեղակալ Տիրան Խաչատրյանը։

«Ինչու, որովհետև երբ տեսնում ենք, թե ներկայիս վարչակազմն ինչպիսի քաղաքականություն է տանում Արցախի հետ կապված` այսինքն` Արցախը հայաթափելու, հանձնելու հետ կապված, սա դառնալու է այն հիմնաքարը, որ հարցը բաց մնա: Այսինքն` Արցախը չհանձնելով` հետագայում բանակցությունների, ինչու չէ, եթե հետագայում կունենանք հնարավորություն, ուժային ճանապարհով լուծելու, որովհետև սրա հիմքերը դեռևս 89 թվականից եղել են, Արցախը Հայաստանին միավորելու համար: Հիմա հրաժարվել այդ նախաձեռնությունից` նշանակում է` այդ հարցը միանգամից փակել, նախաձեռնությունը հնարավորություն է տալիս բաց պահել»,- ասաց Խաչատրյանը:

Լրագրողի հարցին, թե ինչով է պայմանավորված իշխանությունների կողմից Արցախը հանձնելու մեղքն այլոց վրա բարդելը, տարբեր տարիներ մատնանշելը, ԳՇ պետի նախկին տեղակալը պատասխանեց.

«Այն, ինչ իրենք էին պլանավորել և իրականացնում էին ու հիմա էլ շարունակում էին իրականացնել, բացատրությունների անհրաժեշտություն չկա, իրենց նպատակը եղել է հանձնելը և որպեսզի արդարացում ունենան, դրա հետ կապված` պետք է մեղավորներ, արդարացումներ, գտնեն: Եթե պատճառաբանություններ կան հանձնելու հետ կապված, այդ դեպքում, ինքն ասում էր` ես բանակցություններն սկսում եմ իմ կետից, զրոյական կետից, եթե հանձնում էին, թող ինքը չշարունակեր այդ հանձնելը: Եթե եղել էր գործընթաց, որին ինքը տեղյակ էր, թող ինքը հակառակ գործընթաց իրականացներ: Արդարացումները մերկապարանոց են: