Սևանա լճի մակարդակը նոյեմբերի 27-ից դեկտեմբերի 3-ն ընկած ժամանակահատվածում իջել է 1սմ-ով

Սևանա լճի մակարդակը նոյեմբերի 27-ից դեկտեմբերի 3-ն ընկած ժամանակահատվածում իջել է 1սմ-ով  և դեկտեմբերի 3-ին կազմել է 1900.20մ (03.12.23թ.), որն անցյալ տարվա նույն օրվա մակարդակից ցածր է 12սմ-ով, իսկ 2023 թվականի հունվարի 1-ի մակարդակից՝ 8սմ-ով։ Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից։

2023 թվականի ընթացքում Սևանա լճից ոռոգման նպատակով ջրառը սկսվել է իրականացվել մայիսի 14-ից և շարունակվել է մինչև սեպտեմբերի 14-ը ներառյալ, և համաձայն Գեղամավան դիտակետի տվյալների այդ ժամանակահատվածում իրականացված ընդհանուր ջրառի ծավալը կազմել է 228․234մլն. մ³:

Արփա-Սևան ջրատարով նոյեմբերի 27-ից դեկտեմբերի 3-ը ներառյալ ընկած ժամանակահատվածում Սևանա լիճ տեղափոխված ջրի քանակը կազմել է 1.686մլն. մ³, իսկ 2023 թվականի հունվարի 1-ից դեկտեմբերի 3-ը ներառյալ՝ 108.383մլն. մ³: