Ձեր գրպաններում «շպարգալկներ» պահեք, դուք ժամանակավրեպ եք․ ՔՊ-ականը՝ ընդդիմությանը

Պարո'ն Մինասյան, Ձեզ որ հարց են տալիս, ինչո՞ւ չեք պատասխանում․ պարոն Թունյանը հարցրեց՝ ի՞նչ խնդիր է լուծելու «ՀայաՔվե»-ի նախագիծը, ինչո՞ւ չպատասխանեցիք։ Այս մասին հարցրեց ՔՊ-ական պատգամավոր Հայկ Կոնջորյանը՝ դիմելով «Հայաստան» խմբակցության պատգամավոր Արծվիկ Մինասյանին։

Երբ վերջինս տեղից ինչ-որ բան փորձեց ասել, Կոնջորյանն ընդհատեց․ «Ա'յ, հիմա էլ տեղից խոսում եք, դա էլ պառլամենտարիզմի ոտնահարման հաջորդ դեպքն է»։

Իսկ երբ «Հայաստան» խմբակցության պատգամավոր Արթուր Խաչատրյանը փորձեց միջամտել՝ Հայկ Կոջորյանը հիմա էլ նրան դիմեց․ «Պարո՛ն Խաչատրյան, մի' օգնեք, «շպարգալկա» մի' տվեք, պարոն Մինասյանն իր անունից կարա լավ պատասխան տա»,- ասաց նա։

ՔՊ-ական պատգամավորը նկատեց, որ առաջարկված նախագիծը (նկատի ունի «ՀայաՔվեն») ոչ մի խնդիր չի լուծելու, փոխարենը նոր խնդիրներ է ստեղծելու։ Նա նաև նշեց, որ Արցախը լուծարել է ընդդիմության կողմից փառաբանված իշխանությունը։

«Սա մշտապես հիշեք, փոքրիկ շպառգալկաներ ունեցեք ձեր գրպաններում, որ հիշեք»,- ասաց նա։

Անդրադառնալով ընդդիմության  ներկայացարած նախագծերին, Կոնջորյանը նկատեց, որ դրանք ժամանակավրեպ են։

«Աշխարհի վերաբերյալ մեր քարտեզը պետք է համադրենք իրականության հետ, Ձեր քարտեզը, պարոն Մինասյան, իրականության հետ չի համընկնում՝ քարտեզ՝ և ուղիղ իմաստով, և մտածողության քրատեզ։ Դրա համար դուք ժամանակավրեպ եք։ Դա մոտավորապես՝ ոնց որ Թումանյանի փողոցից ուզենաք գնաք Տիչինա փողոց, բայց նավիգատորի մեջ Մեծ Հայքի քարտեզը ներբեռնեք՝ ուրիշ տեղ կգնանք»,- ասաց նա։

ՔՊ-ականը նշեց, որ ամեն դեպքում հասկանում է, թե ինչու է ընդդիմությունն ուզում պաշտպանել ներկայացված նախագիծը․ «Եթե չպաշտպանեք՝ կփչանաք, դրա համար ուզում եք դեմք փրկել, հասկանում ենք»։