ՀՊՏՀ ռեկտորը «էշի տեղ է դրել» ԿԳՄՍՆ-ին. նա կհեռացվի պաշտոնից. Oragir.News

Ինչպես արդեն հայտնել էինք, ՀՊՏՀ ռեկտոր Դիանա Գալոյանը 2017թ.-ին ԱՄՆ-ում բռնվել է հագուստի խանութից գողություն կատարելիս, հայտնվել է բանտում, որից հետո նշանակվել է 3 տարվա փորձաշրջան:

Գալոյանը բանտից ազատ արձակվելուց հետո, սակայն, չէր ներկայացել դատարան փորձաշրջանի կատարման ապացույցներով, ինչից հետո տրվել էր հետախուզման հրաման:​​​

Օրեր առաջ ԱԺ-ում, ի պատասխան ՔՊ-ական պատգամավորի հարցին, ԿԳՄՍ նախարար Ժաննա Անդրեասյանը հայտնեց, որ պաշտոնապես դիմել են ԱՄՆ կառավարությանը, որպեսզի համոզվեն, որ Լոս Անջելեսի դատարանի պաշտոնական կայքում երևացող Դիանա Գալոյանը հենց ՀՊՏՀ ռեկտորն է, որից հետո արդեն լուծումներ կլինեն։ Հիշեցնենք, որ ըստ ՀՀ օրենսդրության՝ ՊՈԱԿ-ի ղեկավարի պաշտոնում չի կարող նշանակվել այն անձը, որը դատապարտվել է հանցագործության կատարման համար, և նրա դատվածությունը մարված կամ վերացված չէ:

Oragir.News-ին հաջողվել է պարզել, որ Դիանա Գալոյանը խոստովանելու փոխարեն մանիպուլացրել է նախարարությանը, ինչը զայրացրել է տիկին նախարարին: Գալոյանը պաշտոնական գրությամբ, ուղիղ չհերքելով, որ գողը ինքն է, ճարպկորեն հայտնել է, թե իր ծննդյան ամսաթիվը ներբեռնելու պարագայում պարզ կլինի, որ դատարանի կայքում իր անձի վերաբերյալ տվյալներ առկա չեն: 

Իսկ թե ինչու առկա չեն, պատճառը շատ զվարճալի է: Բանն այն է, որ ամսաթվերի գրառման ամերիկյան համակարգում, ի տարբերություն հայկականի, նախ՝ գրվում է ամիսը, ապա՝ օրը: ՀՊՏՀ ռեկտոր Դիանա Գալոյանի տվյալները «01/04/1980»-ի փոխարեն ընդամենը գրանցվել են «04/01/1980», ինչի հետևանքով դատարանի կայքը, ինչպես կարելի է տեսնել նկարում, գտնում է 1980 թվականի ապրիլ ամսին ծնված Դիանա Գալոյանին, սակայն ոչ հունվարին:

Մանրամասները` սկզբնաղբյուր կայքում 

Կարդացեք նաև` Փաստեր ու ապացույցներ` ՀՊՏՀ ռեկտորի` գողություն կատարած լինելու մասին. նաև հետախուզում է հայտարարված. Արիանա Հովսեփյան (լուսանկարներ)