ՀՀ նախագահի խորհրդականները`վաստակած կենսաթոշակառուներ. Գորիկ Հակոբյանը համալրեց շարքը

Այսօր ՀՀ նախագահ Սերժ Սարգսյանի խորհրդականների թիվն ավելացավ ևս մեկով: Նոր խորհրդականն է արդեն նախկին ԱԱԾ տնօրեն Գորիկ Հակոբյանը:

Միքայել Հարությունյան, Վարդան Խաչատրյան, Ալիկ Սարգսյան, Ֆելիքս Փիրումյան, Գագիկ Գևորգյան, տ. Մեսրոպ քահանա Արամյան, Արմեն Սմբատյան: Նրանք ՀՀ նախագահի խորհրդականներն են:

Ցանկին մեկ հայացք գցելով, կարելի է պատկերացում կազմել, թե ինչու է խորհրդականների նման կազմ հավաքվել:
Գրեթե բոլորն էլ անցել են վաստակած թոշակի, հետևում թողնելով հարուստ աշխատանքային կենսագրություն և աշխատանքային գործունեության կիզակետում անցել են վաստակած հանգստի:

Այսօր քչերն են հիշում, կամ ժամանակ առ ժամանակ են մտաբերում Ալիկ Սարգսյանին, ով 2011թ-ին դառնալով ՀՀ խորհրդական` հրաժեշտ տվեց գլխավոր ոստիկանապետի պաշտոնին:

Մինչ այդ Ա. Սարգսյանը զբաղեցնում էր Արարատի մարզպետի պաշտոնը: Անցել է մի քանի տարի և կարելի է ասել, որ Ալիկ Սարգսյանը դեռ գործեր ուներ անելու, սակայն նախագահի խորհրդական լինելը` դանդաղ մահ էր նախկին ոստիկանապետի համար:
Ֆինանսների և էկոնոմիկայի նախկին նախարար Վարդան Խաչատրյանը, ով 2000թ.-ի նոյեմբերից եղել է ՀՀ ֆինանսների և էկոնոմիկայի նախարար, 2008թ-ին նշանակվել է ՀՀ նախագահի խորհրդական: Հին սերնդից են նրան մտաբերում:

2012թ-ին Սերժ Սարգսյանի հրամանագրով Ֆելիքս Փիրումյանը նշանակվել է ՀՀ նախագահի խորհրդական: Նշենք, որ մասնագիտությամբ ճարտարագետ-շինարար Ֆ. Փիրումյանը 1993-1995թթ եղել է շինարարության նախարար, այնուհետ` մինչև 1995-ը` քաղաքաշինության նախարար, 1999-2003թթ` Շիրակի մարզպետ, 2003-2004-ին` ՀՀ նախագահի խորհրդական, Տնտեսական մրցակցության մշտական հանձնաժողովի նախագահ, իսկ 2004-ից` «Կոնցեռն Մոնառխ» ԲԲԸ-ի տնօրենների խորհրդի նախագահ:
Նա Հյուսիս-հարավ ներդրումային ճանապարհային ՊՈԱԿ-ի տնօրենն էր:

ՀՀ պաշտպանության նախարար, ՀՀ Զինված ուժերի գլխավոր շտաբի պետ, ՀՀ պաշտպանության նախարարի 1-ին տեղակալ, ՀՀ Նախագահի գլխավոր ռազմական տեսուչ Միքայել Հարությունյանը ՀՀ նախագահի խորհրդական է նշանակվել 2008թ-ին, իսկ 2016թ. փետրվարի 10-ին ՀՀ Նախագահի հրամանագրով նշանակվել է ՀՀ Նախագահի խորհրդական՝ նրան վերապահելով Հայաuտանի Հանրապետության Նախագահի գլխավոր ռազմական տեսուչի լիազորությունները:

ՀՀ նախագահի հաջորդ խորհրդականը «Այբ» դպրոցի հոգաբարձուների խորհրդի նախագահ Տ. Մեսրոպ քահանա Արամյանն է:
Նա աստվածաբան է, գիտնական, սցենարիստ, պրոդյուսեր, հասարակական գործիչ և ուսուցիչ, Կրթության գերազանցության ազգային ծրագրի տնօրեն, «Այբ» կրթական հիմնադրամի համահիմնադիր և «Այբ» դպրոցի հոգաբարձուների խորհրդի նախագահ, «Գանձասար» աստվածաբանական կենտրոնի և «Վէմ մեդիա արվեստներ»-ի հիմնադիր և տնօրեն, «Վէմ» ռադիոկայանի հիմնադիր և գլխավոր խմբագիր և այլն:

1996-1998 թվականներին ՀՀ հաջորդ խորհրդական Արմեն Սմբատյանը եղել է ՀՀ մշակույթի, երիտասարդության հարցերի և սպորտի նախարարը, 2002-2010թթ.` Ռուսաստանում Հայաստանի արտակարգ և լիազոր դեսպանը: 2014 թվականին նշանակվել է ՀՀ նախագահի խորհրդական միջազգային մշակութային-հումանիտար համագործակցության հարցերով:

ՀՀ նախագահի մյուս խորհրդականը Հայ ոսկերիչների համաշխարհային ասոցիացիայի (AJA) նախագահ, ՀՀ նախագահի խորհրդական, «Ռուսաստանի ոսկերիչների գիլդիա» ասոցիացիայի նախագահ Գագիկ Գևորգյանը:

Բացի Տ. Մեսրոպ քահանա Արամյանից, Արմեն Սմբատյանից և Գագիկ Գևորգյանից, մյուս խոհրդականների համար ՀՀ նախագահի խորհրդականի պաշտոնը մխիթարական պաշտոն է, այնպես, որ ՀՀ նախագահի մյուս խորհրդականի մխիթրական պաշտոնը ստացավ բազմավաստակ ԱԱԾ-ական Գորիկ Հակոբյանը: