Մխիթարյանը 34 տարեկանից բարձր ամենաթանկարժեք ֆուտբոլիստն է Ա Սերիայում

Transfermarkt-ն այսօր թարմացրել է իտալական Ա Սերիան ներկայացնող ֆուտբոլիստների տրանսֆերային արժեքները։ Մանրամասներն՝ այստեղ։

«Ինտերի» հայ կիսապաշտպան Հենրիխ Մխիթարյանի տրանսֆերային արժեքը մնացել է անփոփոխ և գնահատվում է 6 մլն եվրո։ Այս ցուցանիշով նա առաջատարն է Ա Սերիայում հանդես եկող 34 տարեկանը լրացած (34 տարեկան և բարձր) ֆուտբոլիստների շրջանում, գրում է Armsport-ը։ 

Հետաքրքիր է, որ այս տարիքից բարձր ամենաթանկարժեք ֆուտբոլիստների թոփ-6-ում «Ինտերի» 5 ներկայացուցիչ է․

1․ Հենրիխ Մխիթարյան (34 տարեկան)․ «Ինտեր» – 6 մլն եվրո
2-3․ Մարկո Արնաուտովիչ (34 տարեկան)․ «Ինտեր» – 5 մլն եվրո
2-3․ Յան Սոմեր․ «Ինտեր» (35 տարեկան) – 5 մլն եվրո
4-6․ Ֆրանչեսկո Աչերբի (35 տարեկան)․ «Ինտեր» – 4 մլն եվրո
4-6․ Մատեո Դարմիան (34 տարեկան)․ «Ինտեր» – 4 մլն եվրո
4-6․ Օլիվյե Ժիրու (37 տարեկան)․ «Միլան» – 4 մլն եվրո

Ընդհանրապես, Հայաստանի ազգային հավաքականի նախկին ավագը շարունակում է մնալ 34 տարեկանից բարձր ամենաթանկարժեք ֆուտբոլիստների տասնյակում՝ եթե հաշվի առնենք աշխարհի բոլոր լիգաները:

Այս ցուցանիշով առաջատարն արգենտինացի հարձակվող Լիոնել Մեսսին է՝ 35 մլն եվրո տրանսֆերային արժեքով։ Մխիթարյանն այս վարկանիշում կիսում է 9-10-րդ տեղերն իր նախկին խաղընկեր, Դորտմունդի «Բորուսիայի» պաշտպան Հումելսի հետ։