Նիկոլն Օձունով անցնելիս թաղման թափոր է տեսել, մեքենայից իջել է, թե՝ «ի՞նձ էիք սպասում, ժողովուրդ ջան, կներեք, մի քիչ ուշացա». Արմեն Հովասափյան

ՀՀԿ խորհրդի անդամ Արմեն Հովասափյանը ֆեյսբուքյան իր էջում գրել է.

«Ես կզարմանայի (թերևս դուք էլ), որ նիկոլոսի Լոռվա վերջին գոստրոլների ժամանակ մարազմատիկ ու կուրիոզ դեպքեր չլինեին:

Ուրեմն, Հագվու դպրոցի բացմանը գնալիս, դրա կորտեժը Օձունով ա անցնելիս լինում՝ գլխավոր ճանապարհով: Նույն օրը Օձունում մարդ էր մահացել ու հենց էդ ժամին թաղման ծիսակարգն է ընթանալիս լինում: Բնականաբար գյուղացիները խմբով կանգնած են լինում, որպեսզի վերջին հրաժեշտը տան հանգուցյալին, ու հենց էդ պահին անցնում է նիկոլոսը:

Քանի որ տեսարանների մեծ սիրահար է, սրա մոտ տպավորություն է լինում, թե մարդիկ խմբվել են ու իրեն են սպասում: Միանգամից մեքենայից իրեն դուրս է քցում ու ցինիկ ժպիտով հավաքված մարդկանց թե.

- Վայ, ժողովորդ ջան, էս իմացել եք՝ ստեղով եմ անցնելու, ինձ էիք սպասո՞ւմ, կներեք, մի քիչ ուշացա:

Հավաքվածներից մի օձունեցի էլ, միանգամից պատասխանում ա.

- Չէ, դուզն ասած Հովհաննեսին ենք սպասում, որ դուս բերեն (նկատի ունենալով հանգուցյալին)»: