Թմրանյութերի ապօրինի շրջանառության մեղադրանքով մեղսագրվել է 5.1 մլդ դրամից ավել փողերի լվացում. Արգիշտի Քյարամյան

Կառավարության այսօրվա նիստում հայտնեց ՀՔԿ ղեկավար Արգիշտի Քյարամյանը՝ ներկայացնելով 2022-23 թթ թմրանյութերի շրջանառության դեպքերի քնակը։ Նա նշեց, որ 4025 քրեական վարույթ է նախաձեռնվել, որի շրջանակներում մեղադրանք է առաջադրվել 1063 անձի, իսկ 277 անձի նկատմամբ խափանման միջոց է ընտրվել կալանքը։

«2023 թ. թմրանյութերի ապօրինի շրջանառության դեպքերով քննված քրեական վարույթներից 1105-ի նախաքննությունն ավարտվել է և 1307 անձի վերաբերյալ գործերն ուղարկվել են դատարան»,-ասաց Արգիշտի Քյարամյանը։

Նրա խոսքով, 106 վարույթ ավարտվել է թմրանյութերի մաքսանենգության դեպքերով, որի հետևանքով 116 անձի վերաբերյալ քրեական գործերը գնացել են դատարան։

Բացի այդ,  2023 թվականին թմրանյութերի ապօրինի շրջանառության և թմրամիջոցների մաքսնանենգության դեպքերով ընդհանուր 1423 անձի վերաբերյալ քերական գործ է ուղարկվել դատարան։

Քյարամյանը նաև հայտնեց որ թմրանյութերի ապօրինի շրջանառության դեմ պայքարը բավականին բարդացել է, քանի որ դրանց տարածման մեխանիզմներ են փոխվել և նախորդ տարի թմրանյութերի շրջանառությամբ զբաղվող 150-ից վաել տելեգրամյան ալիքներ են բացահայտել։

«Մենք սկսել ենք  փողերի լվացման համատեքստում դիտարկել թմրանյութերի ապօրինի շրջանառությունը և  անցած տարվա ընթացքում մեղադրանքով մեղսագրվել է 5.1 մլդ դրամից ավել փողերի լվացում է արձանագրվել և 3.6 մլրդ դրամի մասով գնացել է դատարան»,-ասաց նա։