«Քրեյով» ապրող, դատապարտված Կարմիրգյուղի գյուղապետը գյուղացիներին դատի է տալիս. (տեսանյութ)

Գեղարքունիքի մարզի Կարմիրգյուղ համայնքի ղեկավար, դատապարտված, բայց համաներում ստացած Միշա Դանիելյանը կրկին ուշադրության կենտրոնում է: Գյուղի բնակիչները ահազանգել էին, որ նա շարունակում է անհարկի ծախսեր կատարել, բյուջեի գումարները չխնայելով` իր համար ճոխ պայմաններ է ստեղծում, պարբերաբար նորոգում է աշխատասենյակը, շքեղ մեքենա վարում, անգամ մամուլի խոսնակ ունի:

Միշա Դանիելյանին իր շուրջ պտտվող խոսակցությունները չեն հուզում: Ասում է` ինչ անում է, օրենքի շրջանակներում է անում: Միշա Դանիելյանը փորձում է համոզել, անգամ տուն չունի, ո՞վ է ասել, թե բյուջեի գումարներն է մսխում: Գյուղացիները նաև տեղեկացրել էին, որ Դանիելյանը բացի գյուղապետի աշխատանքից նաև գյուապետարանի էլէկտրիկի աշխատանք է կատարում այստեղ էլ փորձում է սեփական ձեռագիրը թողնել: Գյուղապետը պնդում է` գյուղացիները զազրախոսում են, քանի որ ճամբարների են բաժանված, ասում է գյուղի բնակիչ Հովակ Մարտոյանի թևը իրեն հանգիստ չի թողնում: Գյուղապետը վստահեցնում է, որ բացի նրանից, որ Հովակ Մարտոյանը անօրինական տարածքներ ունի, նաև հարկերը չի վճարում:

Միշա Դանիելյանին հակադարձում է Հովիկ Մարտոյանի հայրը՝ Սերյոժա Մարտոյանը: Ըստ նրա՝ գյուղապետի հետ պայմանավորվածություններ են եղել, որոնք նա խախտել է: Սերյոժա Մարտոյանի կարծիքով՝ Միշա Դանիելյանը առհասարակ իրավունք չունի գյուղապետ լինել: Նա հիշեցրեց, որ գյուղապետը 2014 թվականին մեղավոր է ճանաչվել յուրացման, պաշտոնական դիրքի չարաշահման, պաշտոնեական լիազորությունները չարաշահելով բռնություն կիրառելու, պաշտոնեական կեղծիք կատարելու հոդվածներով, դատապարտվել է հինգ տարվա ազտազրկաման, սակայն համաներում է կիրառվել, հիմա էլ՝ իմ դեմը խաղաղ չկա ասելով շարունակում է պաշտոնավարել: 

Փորձեցինք զրուցել նաև համայնքի այլ բնակիչների հետ, սակայն գյուղապետը և նրա աշխատակիցները ամեն քայլափողի հետևում էին, գյուղացիներին ուղղորդում էին՝ թե ինչ խոսել:

Մանրամսները՝ տեսանյութում