Մենք չենք համարում, որ Արցախի թեման փակված է. Գեղամ Ստեփանյան

 Արցախի ՄԻՊ Գեղամ Ստեփանյանը վստահեցնում է՝ ԱՄՆ կատարած այցը հստակ ուղերձ ուներ։ 

 «Ուղերձ՝ բոլորին ցույց տալու և ասելու, որ մենք չենք համարում, որ Արցախի թեման փակված է, որ Արցախի ժողովրդի մասին այլևս չպետք է խոսել կամ նրա իրավունքների պաշտպանությանը չպետք է անդրադառնալ»,-ասաց նա։

Գեղամ Ստեփանյանը ցավով նկատեց, որ տարածաշրջանային զարգացումների ֆոնին փակվում կամ անտեսվում է Արցախի ժողովրդի իրավունքների

Անդրադառնալով Վաշինգտոնյան այցին և նա նշեց, որ մասնակցել են միջազգային կրոնական ազատության հեղինակավոր համաժողովին։

«Կարևոր հարթակ էր մեզ համար խոսելու Արցախում հայկական հոգոր և պատմամշակութային ժառանագությանը սպառնացող վտանգի մասին»,-ասաց նա։

Ըստ նրա՝ ԱՄն Կոնգրեսում ընդհանուր առմամբ շուրջ 60 կոնգրեսականների ու սենատորների հետ հանդպում են ունեցել։

«Բարձրաձայնել ենք առաջին հերթին Արցախի ժողովրդին պատշաճ միջազգային աջակցության տրամադրման հարցը, որը ցավոք մինչ այժմ չենք տեսնում։ Բարձրաձայնել ենք, որ Արցախի ժողովուրդը որպես փախստական գտնվում է ֆինանսական, կենցաղային ծանր պայմաններում»,-ասաց նա։

Ստեփանյանի խոսքով՝ երկրորդ հարցն Ադրբեջանում գերիների և պատանդառված անձանց անհապաղ և առանց պայմանների ազատ արձակումն է եղել։ 

«Հատուկ շեշտադրվել է, որ ցավոք առկա չէ անգամ այդ անձանց պահման պայմանների, առողջական վիճակի մասին հստակ և անկողմնակալ տեղեկություն ստանալու խողովակ»,-ասաց նա։

Բանախոսները տեղեկացրեցին նաև, որ անդրադարձել են  Արցախում հայկական պատմամշակութային ժառանգության պահպանման խնդիրներին և Արցախի ժողովրդի անվտանգ վերադարձի իրավունքի իրացմանը։

«Նշել ենք, որ առկա վիճակում հնարավոր չէ, բայց մենք չենք հաշտվելու Արցախը կորցնելու մտքի հետ և պահանջելու ենք մեր վերադարձի իրավունքը պատշաճ իրացնել»,-ասաց նա։