«Դոմինո», «նարդի», «մոնոպոլիա». ՀՀԿ երիտասարդներն ԱԳՆ-ին խաղեր էին բերել, որ սփոփեն անգործությունը

ԱԳՆ-ի անգործության պատճառով մենք Բաքվում շարունակում ենք ունենալ ռազամագերիներ և այդպես է շարունակվելու այնքան ժամանակ, քանի դեռ իշխանության են սրանք, իսկ ԱԳՆ-ն ներկայացնում են Արաբաթը և իր նման մարդիկ: Այս մասին նշվեց ԱԳՆ շենքի դիմաց ՀՀԿ երիտասարդների կազմակերպած ակցիայի ժամանակ: 

«Իսկ այն մարդիկ, ովքեր կարողացան Արցախից հասնել Հայաստան, տեսան, որ արցախահայ երիտասարդները, ովքեր պայքարում էին իրենց հայրենիքի համար, նստած էին Հայաստանի բանտերում: Այսինքն` մենք ստանում ենք մի իրավիճակ, որ եթե մարդը չի հայտնվել Բաքվի բանտերում, օրվա իշխանություններն ամեն ինչ կանեն, որ նրանք հայտնվեն Հայաստանի բանտերից մեկում»,- ասվեց ակցիայի ժամանակ:

Ակտիվիստը նշեց, որ իրենք դատարկաձեռն չեն եկել և ԱԳՆ-ի անգործությունը մեղմելու համար, նրանց համար բերել են տարբեր խաղեր:

«Դոմինո, նարդի, թենիս, բադմինտոն, որպեսզի նրանք իրենց անգործությունը գոնե կարողանան ինչ-որ կերպ սփոփեն ու զբաղվեն նմանատիպ խաղերով: Իսկ հաղթողները, ենթադրում եմ, որ կստանան պարգևավճարներ, քանի որ սրանք ոչ մի դիվանագիտական հաղթանակ չեն ունեցել: Այստեղ բերել ենք նաև ամենակարևորը` «մոնոպոլիան», ինչը որ շատ հոգեհարազատ խաղ է սրանց: Թե' այդ խաղի մեջ, թե' ընդհանրապես այս իշխանությունների մոտ կա մի սկզբունք` եթե քեզ առաջարկում են շատ գումար, դու կվաճառես ցանկացած բան»: