«Հայփոստ»-ի անբարեխիղճ աշխատանքից տուժում են քաղաքացիները. (տեսանյութ)
Գյումրիում կասկածի տակ է «Հայփոստ» ՓԲԸ-ի մատուցած ծառայությունների որակը: Գյումրեցի Ժաննա Ժամկոչյանը newspress.am-ի հետ զրույցում պատմեց, թե ինչպես է տուժել «Հայփոստ»-ի անբարեխիղճ աշխատանքի պատճառով:
Հաշվի առնելով, որ ծանրոցը կարող է ուշ տեղ հասնել, նա ծանրոցն աղջկան է ուղարկել ժամանակից մեկ ամիս շուտ: Սակայն այն տեղ է հասել ուղարկելուց, ոչ թե 1 այլ ավելի քան 2 ամիս անց:
«Փող եմ տվել, պատվեր ենք տվել ու էս կարգի անտարբեր վերաբերմունք: Քանի անգամ գնացի Երևան` իմանամ, տեսնեմ, թե ուր է հասել ծանրոցը: Պատուհանից պատուհան էին ուղարկում ու ոչ-ոք հաշվի տեղ չէր դնում: Լրիվ անտեր երկիր է դարձել»,- նեղսրտած դժգոհում է տիկին Ժաննա Ժամակոչյանը:
Ծովինար Ղազարյանն էլ իր հերթին բողոքում էր, թե արդեն երրորդ աշխատանքային վիզան ենք կորցնում «Հայփոստ»-ի անփույթ ու թափթփված աշխատանքի պատճառով:
«Աղջկաս աշխատանքային վիզա է եկել Նիդերլանդներից: Իրենց կրկնակի հարցում ենք ուղարկել: Ասում են, որ Հայաստանում է նամակը: Բայց այստեղ էլ ասում են` չի հասել: Մարդիկ վճարման անդորրագրով Հոլանդիայից ասում են, որ նամակը Հայաստանում է, ոնց չի հասել»,-նկատեց Ծովինար Ղազարյանը:
Մանրամասները` տեսանյութում
