Ադրբեջանը լայն բացվածք է ստանում դեպի Լոռի ու Կիրովական բացազատվելու համար. քաղաքագետը քարտեզ է հրապարակել (ֆոտո)

Քաղաքագետ Ալեն Ղևոնդյանը ֆեյսբուքյան իր էջում հրապարակել է Հայաստանի հյուսիս-արևելյան քարտեզը և ցույց տվել, թե ինչպիսին են լինելու Հայաստանի ճանապարհները Տավուշի 4 գյուղերն Ադրբեջանին հանձնելուց հետո: 

 

Ղևոնդյանը, մասնավորապես, գրել է.

 

«Կապույտը՝ Իջևան - Թիֆլիս նոր ճանապարհն է (սարերով) հիմնականը փակվելու է:

 

Պատկերում Կարմիրը նոր սահմանն է:

 

Բաղանիս - Ոսկեպար ճանապարհը փակվելու է:

 

Բերքաբերը ընկնելու է երկու ադրբեջանական գյուղերի արանքը, իսկ ճանապարհը դեպի Իջևան վերահսկվելու է Ադրբեջանի ԶՈւ-ի կողմից:

 

Կիրանցի և Աճարկութի ճանապարհը փակվելու է և ստիպված նոր ճանապարհ են սարքելու:

 

Ոսկեպարը շատ վատ իրավճակում է հայտնվելու՝ երկու ադրբեջանական գյուղերի միջև և փակ ճանապարհով:

 

Այգեհովիտ-Իջևան ճանապարհը փակվելու է:

 

Նոր ճանապարհե դանդաղ սարքում են: Իջևան - Ենոքավան - Սարերով - Ջուջևան

 

Լոռու Թեղուտ համայնքը դառնալու է սահմանամերձ: Թեղուտից մինչև սահման 8 կմ:

 

4 գյուղ և 4 անկլավի հետ մենք կորցնում ենք 24 մարտական դիրք. որպեսզի որոշակի անվտանգության մակարդակ ապահովենք ներսի տարածքների նկատմամբ, պետք է լինելու մոտ 38 մարտական դիրք, քանի որ տարածքը փոքրացել է, սակայն շփման գիծը մեծացել է:

 

Ադրբեջանը լայն բացվածք է ստանում դեպի Լոռի ու Կիրովական բացազատվելու համար:

 

Սա մեր քարտեզագիր ու տեղանքին լավ ծանոթ ընկերն է ինձ փոխանցել: Ամեն բան շատ պարզ ու հստակ»: