Հայաստանի կառավարիչը տիեզերական մասշտաբի ստախոս է. Սերժ Սարգսյանը մի քանի դրվագով հիշեցումներ արեց Նիկոլ Փաշինյանին

Ես կարծում եմ, որ որևէ մեկը չի զարմանա, եթե ևս մեկ անգամ ասեմ, որ Հայաստանի կառավարիչը տիեզերական մասշտաբի ստախոս է: Նա զրպարտել էր ինձ, այն առումով, որ իբր ես ինչ-որ կենցաղային հարցերով իրեն նամակներ եմ ուղղել, բայց իմ աշխատակազմի ղեկավարը միանագմից հերքեց և պահանջեց, որպեսզի այդ` այսպես ասած նամակները հրապարակեն, պարզ է, որ ոչինչ տեղի չունեցավ, որովհետև այդպիսի բան տեղի չէր ունեցել: Այս մասին այսօր լրագրողների հետ զրույցում ասաց ՀՀ երրորդ նախագահ Սերժ Սարգսյանը: 

«Ես մի քանի անգամ ասել եմ, որ արհավիրքը իր իշխանության գալն էր, արհավիրքը գլխավոր բանակցողի փոփոխությունն էր, իսկ մնացած ողբերգությունները` Արցախի հայաթափում, կապիտուլյացիա, Հայաստանի ստորացուցիչ վիճակ, դրանք ընդամենը այդ արհավիրքի հետևանքներն են»,- ասաց Սարգսյանը: 

Նա մի քանի օրինակ բերեց` ցույց տալու, թե համար արդյոք ինքը զգուշացրե՞լ է ռազմական գործողությունների, պրոբլեմների մասին, թե՞ ոչ: 

«Առաջին անգամ և' ինքը, և' մեր ժողովուրդը զգուշացվել են ապրիլի 17-ին, երբ որ ես ընտրվում էի վարչապետ, և երբ որ ասացի, որ բանակցային գործընթացը կանգ է առել, և դրանից  հետո բացատրեցի` ինչն է խնդիրը: Իրենք ոնց որ սկզբից դա չնկատեցին, հետո սկսեցին բառերը կտրելով ամբողջ կոնտեքստից, սկսեցին այդ բառերը բերել որպես ապացույց բանակցությունների ձախողման: Այնուհետև 44 օրյա պատերազմից հետո սկսեցին կուրծք ծեծել, թե տեսնո՞ւմ եք, ասել էր ռազմական գործողություններ են լինելու, որ վատ է լինելու: 2 տարի դրա մասին էին խոսում, հիմա ասում են, որ չենք զգուշացրել: Երկրորդ անգամ ես անձամբ իրեն եմ զգուշացրել վերջին 30 տարվա ընթացքում տեղի ունեցած մեր միակ հանդիպման ժամանկ, երբ ապրիլի 22-ին «Մարիոթ» հյուրանոցում ես նրան ասացի, որ ինքը Մարտի 1-ի իրադարձություններից դասեր չի քաղել, իսկ ինքն անմիջապես շուռ տվեց ամբողջ ասածը, տարավ այնտեղ, որ ես իբր սպառնում եմ ժողովրդին, որովհետև արդեն այն ժամանակ էր ինձ համար ակնհայտ, որ Հայաստանում ներքաղաքական իրավիճակը շատ բարդ էր, իսկ ունենալով այդպիսի ներքաղաքական իրավիճակ, Հայաստանը չէր կարող ունենալ որևէ հաջողություն որևէ ռազմական գործողությունների ժամանակ: 

Հաջորդ զգուշացումն ուղիղ խոսքերով արվել էր մայիսի 1-ին, երբ նա առաջադրվել էր վարչապետ և մեր խմբակցության պատգամավորները նրան ուղիղ ասում էին, որ ինքը չի կարող կառավարել Հայաստանը, որ ինքը չի կարող լինել Գորագույն գլխավոր հրամանատար, որ դա ունենալու է ողբերգական հետևանքներ, դա էլի ինքը չընդունեց: 

Հաջորդ հիշեցումը շատ ուղիղ տեքստով եղել է 2020 թվականի մարտին, երբ որ նա Վայոց ձորում Կովիդը խեղդում էր արաղով, բառացի ասաց, որ Սերժ Սարգսյանը և ՀՀԿ-ն մեզ վախեցնում են պատերազմով: Բա եթե մենք չենք զգուշացրել, եթե մենք չենք ասել, էդ բառերը որտեղի՞ց էր ասում»,- ասաց |Սարգսյանը: