Մի' շտապեք թաղել հույսը. Կոնստանտին Զատուլինը պատասխանել է Վազգեն Մանուկյանին

Ռուսաստանի Պետդումայի պատգամավոր Կոնստանտին Զատուլինը պատասխանել է ՀՀ նախկին վարչապետ Վազգեն Մանուկյանի նամակին: 

Կոնստանտին Զատուլինի նամակը Ղարաբաղ կոմիտեի նախագահ, ՀՀ առաջին վարչապետ, ՀՀ պաշտպանության նախարար (1992-1993) Վազգեն Մանուկյանին. 

Հարգելի Վազգեն Միքայելովիչ.

Ես չեմ կարող չպատասխանել ձեր նամակին: Կարևոր չէ՝ բաց է, թե ոչ, ամեն դեպքում, ձեր նամակը շոյում է ինձ համար ամենաթանկը՝ իմ հավատը ռուս և հայ ժողովուրդների հարաբերությունների նկատմամբ։  Այս երկու քրիստոնյա ժողովուրդներն իրենց պատմության ընթացքում շատ են տառապել։ Եվ Քրիստոսի նման նրանք շարունակում են տառապել։ Հարյուրավոր տարիներ մենք միասին ենք եղել՝ և՛ ուրախության, և՛ տխրության մեջ։ Բայց հիմա և՛ այստեղ, և՛ այդտեղ քաշ են հավաքում մարդիկ, ում համար դա կարևոր չէ:

Դուք կշտամբում եք Ռուսաստանին այն բանի համար, որ 2020 թվականից ի վեր նրա պահվածքը «չի համապատասխանում դաշնակցի ընկալումներին», հաշվի առնելով, որ մեր զինված ուժերի դուրսբերումը Ղարաբաղից վերջակետ է դնում «i»-ի վրա:

Սա օտար տառ է, մեր այբուբեններում չկա: Դուք, իհարկե, գիտեք, որ ես և իմ նման մտածող մարդիկ Ռուսաստանում ամենաքիչը ցանկանում էինք, որ Ղարաբաղում մեր խաղաղապահ գործողությունը նման ավարտ ունենա։ Բայց նախ հայերի, ապա՝ ռուսների գաղթը Ղարաբաղից՝ այն ամենից հետո, ինչ տեղի ունեցավ 2020 թվականից և հատկապես 2022-2023 թվականներից հետո, կանխորոշված ​​էր։ Սա է տխուր ճշմարտությունը։ 

Իսկ պատճառներն ու պատրվակները կարճ նամակով չեմ ուզում թվարկել` կրկնելով ձեզանից հետո և ավելացնելով իմը: Ոչ Գրիբոյեդովը, ո'չ Բաղրամյանը ճիշտ պահին ճիշտ տեղում չէին. Ես կարող էի այսօրվա Հայաստանին վերադարձնել ձեր նախատինքը այսօրվա Ռուսաստանին, բայց չեմ ուզում:

Ես ուզում եմ փրկել այն, ինչ մնացել է մեր ժողովուրդների հարաբերություններում, որպեսզի նրանք չդառնան պետությունների ու կառավարությունների քաղաքականության զոհը։ Ես չէ, որ պիտի պատմեմ ձեզ, թե ինչ է տեղի ունենում քաղաքականության մեջ:

Բայց մի շտապեք թաղել հույսը, կասկած մի մտցրեք իմ ու մեր հավատքի մեջ. սա է Հայաստանի և Ռուսաստանի ապագայի երաշխիքը։ Ինչպես միշտ, հույս եմ դնում ձեր ըմբռնման վրա: 

Հարգանքներով Կոնստանտին Զատուլին Ռուսաստանի Պետդումայի պատգամավոր, երբեք ոչ նախկին վարչապետ և ոչ նախկին պաշտպանության նախարար»: