Տեղապահները կառավարում են ոչ այն մարդկանց և ոչ այն երկիրը. «Փաստ»

«Փաստ» օրաթերթը գրում է.

«Realtribune.ru-ն «Սարգիս Ծատուրյան. Հայը նա է, ով գիտի Հայաստանի իրական սահմանները» վերնագրով հոդվածում գրում է, որ «Հայկական երազանք» գրքի հեղինակ, քաղաքական գործիչ Սարգիս Ծատուրյանը հայրենասերներին կոչ է արել՝ Երևանի տեղապահների առաջ չարդարանալ Տավուշին և Հայաստանին պատկանող հայկական հողերի հարցով։

«Պարբերաբար տեսնում եմ, թե ինչպես են ոչ անտարբեր հայերը զգացմունքային կերպով ապացուցում Երևանի տեղապահներին, որ Տավուշի գյուղերը նախնադարյան հայկական հող են։ Եվ ես ինձ անհանգիստ եմ զգում: Ո՞ւմ առաջ եք արդարանում, ընկերներ: Դուք չէ, որ պետք է ապացուցեք, որ Տավուշը, Արցախը, Ուտիքը կամ Նախիջևանը նույն հայկական հողն են, ինչ Երևանն ու Վանաձորը։ Երևանի տեղապահները պետք է մեզ բոլորիս ապացուցեն, որ իրենք հայ են։ Եթե ժողովուրդը Արցախը, Ուտիքն ու Տավուշը համարում է հայկական հող, իսկ Երևանի տեղապահները դրա հետ համաձայն չեն, դա չի նշանակում, որ մեր ժողովուրդը սխալվում է։ Դա ուղղակի նշանակում է, որ տեղապահները կառավարում են ոչ այն մարդկանց և ոչ այն երկիրը։ Որովհետև Հայքի բոլոր 15 գավառները Հայաստանին պատկանելը մերժող անձը հայ կոչվելու բարոյական իրավունք չունի։ Լեզուն իմանալն ու հայ ծնողներ ունենալը բավարար չէ իրեն հայ համարելու համար։ Հայը հոգևոր կատեգորիա է, նա ճանաչում է սեփական հողի սահմանները, որը հայի բարոյականության հիմքն է։ Հայոց հողը մեր ժողովրդի բարոյականությունն է», - նշել է Ծատուրյանը։

Քաղաքական գործիչը ելնում է նրանից, որ «հայը գեների և հոգևոր արժեքների հավասարակշռված համակցություն է»։ «Հայաստանը չի կարելի վերացականորեն սիրել, քանի որ Հայաստանը կոնկրետ սահմաններով կոնկրետ ֆիզիկական երևույթ է։ Երբ սիրում ես կնոջը կամ երեխային, ուրեմն սիրում ես նրան ամբողջությամբ՝ հոգով և մարմով՝ ոտքից մինչև գլուխ։ Ուրեմն մենք՝ հայերս, պետք է բացարձակ սիրով սիրենք մեր Հայրենիքը՝ ճանաչելով նրա ֆիզիկական սահմանները՝ Եփրատից մինչև Քուռ, քանի որ Հայաստանն այլ սահմաններ չունի։ Մնացած ամեն ինչը օկուպանտների և նրանց գաղութատիրական տեղապահների հորինվածքն է»,- ընդգծել է Ծատուրյանը։

Դեռ 2022 թվականի ապրիլին էր Ծատուրյանը իր հեղինակային «Իշխանություն» հաղորդաշարում խոսել հայկական իրական սահմանների մասին, որոնք ավելի քան 4,5 հազար տարի առաջ բաժանել են Հայաստանը արտաքին աշխարհից։ Քաղաքական գործչի խոսքով, Հայաստանի և, այսպես կոչված, Ադրբեջանի միջև միակ սահմանն անցնում է արևելքում՝ Քուռ գետով, որը դարեր շարունակ բաժանել է Ալբանիան և հայկական պետությունը»։

Մանրամասները՝ «Փաստ» օրաթերթի այսօրվա համարում: