ՀՀ իշխանությունները Կիրանցում պատրաստ են հանձնել Ադրբեջանին մոտ 180 մլրդ. քառակուսի մմ տարածք

Լրագրող Դավիթ Գալստյանը գրում է․ «ՀՀ իշխանությունները Կիրանցում փաստացի պատրաստ են հանձնել Ադրբեջանին մոտ 180 միլիարդ. քառակուսի միլիմետր ՀՀ տարածք

Քանի որ իշխանության ներկայացուցիչները սիրում են կրկնել, որ «Տավուշում ՀՀ-ից ոչ մի միլիմետր տարածք չի զիջվում», ապա հաշվենք հենց մմ-ով։

* ՀՀ իշխանությունները հայտարարում են, որ Տավուշում վերականգնվում են խորհրդային սահմանները։

* Խորհրդային սահմաններն այս հատվածում համապատասխանում են ՀՀ Կադաստրի կոմիտեի քարտեզին։

Դա գիտե իշխանության վերնախավը, դա շատ ավելի լավ գիտեն Կիրանցի բնակիչները։

* Նույն Կադաստրի կոմիտեի տվյալներին է հղում անում իշխանությունը՝ պնդելով, որ նախկին ադրբեջանական գյուղերի տարաքը ՀՀ-ինը չէ։

* Մանուշակագույնը՝ Կադաստրի կոմիտեի տվյալներով ՀՀ տարածքն է, որը ՀՀ կառավարության քարտեզով «դելիմիտացիայից» հետո մնում է Ադրբեջանի վերահսկողության տակ (կապտավունի հետ միասին)։

Այդ մանուշակագույն հատվածը կազմում է մոտ 0,18 քառ. կմ կամ 180 000 000 000 քառ. մմ։

P.S. Քանի որ կառավարության քարտեզում սահմանը շատ «հաստ» գծով է, կներեք, կարող է մի քանի միլիարդ քառ. մմ այս կամ այն կողմ լինել»։