Իշխանությունը քարոզչական արշավ է սկսել Սրբազանի շարժման դեմ՝ հայտարարելով «ռուսական ագենտների» մասին. Առաքելյան

«Ապրելու երկիր» կուսակցության համահիմնադիր Մեսրոպ Առաքելյանը ֆեյսբուքյան իր էջում գրում է․

Իշխանությունները քարոզչական արշավ են սկսել Բագրատ սրբազանի առաջնորդած շարժման դեմ՝ ասելով, որ իբր հեղափոխության արդյունքում վարչապետ է դառնալու ինչ֊որ «վատ մարդ» (նախկին նախագահ, ռուսական ագենտ, ուժաս, բոլորը միասին և այլն)։

Ենթադրենք, ժողովուրդը խաբնվում է, և վերջում Սրբազանը վարչապետի թեկնածու է առաջադրում այդ «վատ մարդուն»։

Այժմ ամենակարևորը!!!

Վարչապետին ընտրելու է գործող Ազգային Ժողովը, և առանց ՔՊ խմբակցության՝ չի կարող վարչապետ ընտրվել։

Հիմա, կամ ՔՊ ստում է, որ հնարավոր է «վատ մարդը» դառնա վարչապետ, կամ հենց ՔՊ-ն է Նիկոլ Փաշինյանի ու այդ «վատ մարդու» հետ պայմանավորվածության արդյունքում նրան ընտրելու վարչապետ։

Լրագրողներին առաջարկում եմ հարցնել ՔՊ պատգամավորներին, արդյո՞ք նրանք այդ «վատ մարդուն» ընտրելու են վարչապետ։ Եթե չէ, ուրեմն ժողովուրդը հանգիստ կարող է շարունակել պայքարը։