ԵՊՀ պրոռեկտորն իջավ Սրբազանի մոտ ու հայտարարեց, որ ինքը ուսանողներին չի սպառնացել

Երեկ իմացանք, որ ԵՊՀ ռեկտորի տեղակալն ուսանողների ու դասախոսների վրա ճնշում է բանեցրել։ Այս մասին ԵՊՀ-ի բակում լրագրողների հետ զրույցում ասաց Բագրատ Սրբազանը։

Սրբազանն այնուհետև ելույթ ունեցավ ուսանողների առաջ․ «Չափազանց մեծ ուրախություն է մեզ համար ձեր նեկայության մեջ գտնվելը։ Դուք ևս մեկ անգամ փաստում եք, որ բոլոր տեսակի ահաբեկումները, սարսափ տարածելու փորձերը, վախեցնելը, ստով մոլերեցնելը ձեզ համար արժեք չունեն։ Մեկ արժեք գոյություն ունի, մեկ սյուն, որը պարփակված է Աստված և հայրենիք զգացումով ու ճշմարտությամբ, և որից բխում են ճշմարտությունը, արդարությունը, հաշտությունը, սերը, քաջությունը, և հաղթանակը։ Երեկ լսեցինք, որ ռեկտորի տեղակալ Էլինա Ասրիյանը դասախոսների է հավաքել, սպառնալիքներ է տեղացել՝ ասելով՝ կապ չունի, 1000 ուսանող էլ լինի, կհեռացնենք, բացականեր նշանակեք։ Ամենամեծ բացական նրանք են, ովքեր այդպես խոսում են։ Ես անկեղծորեն չեմ հավատում, որ այդպիսի բան է ասել, հիմա հրավիրում եմ իջնել ներքև, ընդ որում՝ ռեկոտրի ուղեկցությանբ, ու ասել, որ նման բան չի եղել։ Եթե չգան, ուրեմն եղել է»,-ասաց Սրբազանը։

ԵՊՀ պրոռեկտոր Էլինա Ասրիյանն իջավ ու հանդիպեց ցուցարարների հետ։ Նա հերքեց Բագրատ Սրբազանի հայտարարությունը, թե՝ ինքը ժողով է հրավիրել բուհի դեկանների հետ՝ հանձնարարելու նշել բոլոր ուսանողների բացակայությունները։

Սրբազանը երեկ Սուրբ Աննա եկեղեցու բակում, հանրահավաքի ժամանակ, հայտարարեց, թե տեկություններ կան, որ Ասրիյանը հանձնարարել է շատ բացականեր ունեցող ուսանողներին նկատողություն հայտարարել ու ամեն գնով դադարեցնել դասադուլը։

«Պետք լինի 1000 ուսանող էլ կհեռացնեմ համալսարանից», - պրոռեկտորի խոսքերը մեջբերեց սրբազանը՝ միևնուն ժամանակ շեշետելով՝ չի կարող ասել, թե որքանով են ստույգ այս տեղեկությունները։

«Եթե չէիք հավատում, ուրեմն պետք է չասեիք, շատ բարկացած եմ, այդպես չի կարելի։ Ես շնորհակալ եմ, որ դուք ընդունում եք, որ կարող էիք սխալվել։ Ես հիմա հայտարարում եմ՝ երեկ որևէ հանդիպում որևէ դեկանի հետ տեղի չի ունեցել, հետևապես որևէ նման հայտարարություն չի կարող լինել։ ԵՊՀ-ն ուսանողակենտրոն կառույց է, ու այստեղ յուրաքանչյուր ուսանողի իրավունքը պաշտպանված է»,- դիմելով Սրբազանին՝ ասաց ռեկտորի տեղակալը։