Ոչ ոք իր տան պատին չի գրում, որ այսինչն ու այնինչը տոլմա կերան, բայց եկեղեցու պատին գրում են․ Փաշինյանը մոռացել է իր տան պատերի մասին (լուսանկար)
![Ոչ ոք իր տան պատին չի գրում, որ այսինչն ու այնինչը տոլմա կերան, բայց եկեղեցու պատին գրում են․ Փաշինյանը մոռացել է իր տան պատերի մասին (լուսանկար)](/timthumb.php?src=disc/23-05-24/4acd86869c785a3e4016346cca5ae701.jpg&w=780)
Երբ ասում են պետական ու սեփական գույք, դա անմիջականորեն ազդում է երեխաների վրա։
Այս մասին կառավարության նիստի ժամանակ ասաց Նիկոլ Փաշինյանը՝ անդրադառնալով պետական գույքի օգտագործմանը։
«Երեխաները, միշտ չէ, որ դպրոցի ծորակին վերաբերում են այնպես, ինչպես իրենց տան ծորակին են վերաբերում։ Օրինակ, ոչ մեկ իրենց տան աթոռին իր անունը դանակով չի գրում, ես չգիտեմ այդպիսի դեպք, բայց տասնյակ դպրոցներում ու համալսարաններում տարբեր անուններ ենք տեսնում։
Այդ նույնը տեսնում ենք եկեղեցիների, պատմամշակութային հուշարձանների պատերին։
«Ոչ մեկ իր տան պատին չի գրում, որ այսինչն ու այնինչը 2016 թվականի ապրիլի 8-ին տոլմա կերան, բայց, չգիտես՝ ինչու, եկեղեցու կամ որևէ այլ բանի վրա գրում են»,- ասաց Փաշինյանը։
Նրա այս խոսքը ծիծաղեցրեց ներկաներին։ Փաշինյանն արձագանքեց․ «Ծիծաղում ենք, բայց սա վարվելակերպ է, մենք պետք է հասկանանք, թե ինչն է պատճառը, պետք է հետազոտություն անենք»,- ասաց Նիկոլ Փաշինյանը։
Հ․Գ․ Պարզապես հիշեցման կարգով նկատենք, որ «ընդդիմադիր» Փաշինյանի տուն այցելության ժամանակ Հ2 հեռուստաընկերության տեսախցիկը ֆիքսել էր, թե ինչ խզմզանքներ էին արված Փաշինյանի տան պատերին։ Նա հավանաբար մոռացել է այս մասին։
Ու եթե, Փաշինյանի խոսքով դա վարվելակերպ է, ապա հարց է առաջանում՝ ի՞նչ անուն ունի սեփական տան պատերը ծակող ու փչացնող արարածը, ի՞նչ վարվելակերպ է դա ու ինչպե՞ս կորակի նա այդ արարքը։
![](disc/23-05-24/6b1a93b5d8c84b92f1c308cd84ede5b8.jpg)