Եկել եմ որպես մարդ, որը գիտի, որ Վահե Ղազարյանը հիմա հոգեկան տագնապների մեջ է, հայրենիքից ստրկական զիջումներ կատարելը նաև իր համար է վիրավորական. Բագրատ Սրբազան
Ես այստեղ չեմ եկել որպես գործիչ, այլ որպես մարդ, որը Վահե Ղազարյանի հետ Տավուշում ծառայել է՝ ինքն իր պարտականությամբ, ես իմ կոչումով։ Այս մասին այսօր ՆԳՆ շենքի դիմաց ասաց «Տավուշը հանուն հայրենիքի» շարժման վարչապետի թեկնածու Բագրատ Սրբազանը:
«Եկել եմ որպես մարդ, որը գիտի, որ Վահե Ղազարյանը հիմա հոգեկան տագնապների մեջ է այս ամբողջ իրադարձությունների պատճառով, քանի որ հայրենիքից ստրկական զիջումներ կատարելը նաև իր համար է վիրավորական։ Նա ամեն օր ստիպված առնչվում է ստի հետ և հրամանների մի մասի շուրջ հայտնում է իր անհամաձայնությունը, մի մասն էլ փորձում է չկատարել»,- ասաց Սրբազանը:
Նա նշեց, որ հավատում է, որ Ղազարյանն իր ճանաչած Վահե Ղազարյանն է, որը դեռ ունի քաջություն ու տղամարդկություն։
