Սիրիայի հրադադարը մեր համար որոշիչ չէ. Դավութօղլու
Թուրքիայի վարչապետ Ահմեթ Դավութօղլուն հայտարարել է, որ Սիրիայում հրադադարի ռեժիմն իրենց համար որոշիչ չէ։ Տեղեկացնում է sondakika.com կայքը։
Թուրքիայում տնտեսական մի ֆորումում մասնակցող վարչապետ Ահմեթ Դավութօղլուն, պատասխանելով լրագրողների հարցերին, շեշտել է, որ Սիրիայում հրադադարի ռեժիմն իրենց համար որոշիչ չի։
«Ձեռք բերված հրադադարի համաձայնությունը Ասադի ռեժիմի, Ռուսաստանի, Իրանի, Հզբոլլահի և ընդդիմության միջև է։ Նորմալ է, սա Սիրիայի բանակի և ընդդիմության խնդիրն է։ Նրանք ընդդիմություն են ասում նաև ԻՊ-ին և Էլ Նուսրային։ Նրանք պայքարում են չափավոր ընդդիմության դեմ, իսկ Էլ Նուսրայի դեմ ասում են, թե պայքարում են։ Ռմբակոծում են Բայրբուջաքը, սակայն այնտեղ միայն ԻՊ -ը և Էլ Նուսրան չեն։ Այնտեղ թուրքմեններն են։ Նրանք ԻՊ-ի և Էլ Նուսրայի հետ միասին հարվածում են նաև քաղացիական անձանց։ Եթե Ռուսաստանը շարունակի օդային գործողությունները` հրադադարից ոչինչ չի մնա։ Մեր համար քրդական YPG -ն նույն ԻՊ-ն է, նույն Էլ-Նուսրան։
Այս հրադադարը Սիրիայի և Սիրիայում կռվողների համար անցողիկ է։ Սակայն եթե որևէ կողմից սա վնասի Թուրքիային, հրադադարի ռեժիմը կխախտվի։ Թուրքիային տրված վստահության խոսքը եթե խախտվի, մենք ոչ ոքից ոչինչ չենք հարցնի։ Ինչպես ցանկանանք, այնպես կանենք։ Այդ պահից Թուրքիայի անվտանգությունը պետք է որոշի Թուրքիան։ Հնարավոր է, որ ահաբեկչական կազմակերպությունները մտածեն, որ Թուրքիան այլևս մեզ ոչինչ չի կարող անել և սկսեն վտանգ ներկայացնել Թուրքիայի անվտանգության համար։ Իսկ այդ ժամանակ Թուրքիայի անվտանգության վերաբերյալ որոշում կկայացնի միայն Անկարան»,- հայտարարել է Դավութօղլուն։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
