Երբ պետության ներկայացուցիչները դադարում են հարգել իրենց ազգային եկեղեցու բարձրագույն ներկայացուցչին, դա դառնում է անհանգստության պատճառ և վիրավորանք հասցնում բազմաթիվ հայերի. ՀԲԸՄ նախագահ
Հայաստանում ներքին և արտաքին գործոններով պայմանավորված լարվածությունն ավելի ու ավելի է աճում, մտահոգություն առաջացնելով, որ հայ հասարակության միասնականությունը վտանգվում է աճող լարվածության և պառակտումների ծանրության տակ։ Այս մասին հայտարարություն է տարածել Հայկական բարեգործական ընդհանուր միությունը` նշելով` ՀԲԸՄ նախագահն իր մտահոգությունն է հայտնում Հայաստանում լարվածության աճի վերաբերյալ:
«Այս շաբաթ շատերը խորապես վրդովվեցին ինստիտուցիոնալ նորմերի և երկարամյա արժեքների ոտնահարման նմանօրինակ դեպքից, երբ Հայաստանի ոստիկանությունը թույլ չտվեց Ամենայն Հայոց Կաթողիկոսին և նրա պատվիրակությանը ամենամյա այց կատարել Սարդարապատի հուշահամալիր: Ն.Ս.Օ.Տ.Տ. Գարեգին Բ-ն ներկա էր ոգեկոչելու Հայաստանի առաջին հանրապետության ստեղծման հաղթական գոյամարտում իրենց կյանքը զոհած նահատակների հիշատակը։ Սակայն պատվիրակության մուտքը դեպի հուշակոթող անարգել ապահովելու փոխարեն՝ ոստիկանները առանց առերևույթ կամ հիմնավոր պատճառի խոչընդոտեցին այն։
Թեև Նորին Սրբությանը և նրա պատվիրակությանը որոշ ժամանակ անց թույլ տվեցին մուտք գործել տարածք՝ ոստիկանության կողմից ագրեսիայի կիրառման անհիմն դրսևորումը, ցավոք, տարածվեց ամբողջ աշխարհով և քննարկման առարկա դարձավ: Երբ պետության ներկայացուցիչները դադարում են հարգել իրենց ազգային եկեղեցու բարձրագույն ներկայացուցչին, դա դառնում է անհանգստության պատճառ և վիրավորանք հասցնում բազմաթիվ հայերի: Սա նաև հուշում է, որ մեզ անհրաժեշտ է վերաարժևորված և միասնական հավատարմություն մեր ժողովրդավարական սկզբունքներին և մեր ազգային եկեղեցու ավանդույթներին, որը հազարամյակներ շարունակ աշխարհասփյուռ հայերի համար ծառայել է որպես ինքնությունը պահպանող հենասյուն»:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
