Սելը ճռռալու տեղ՝ սելվորն է ճռռում, արա, հլը դրանց նայի․ էդ մեր խորհրդարանական ընդդիմության մեղքն է, որ դրանց լեզուներն էդքան երկարել է․ Շարմազանով
Իսկ Արարար Միրզոյանը կողմնորոշվո՞ւմ է՝ իրենք ինչ են ուզում։ Այսպես արձագանքեց ՀՀԿ խոսնակ Էդուարդ Շարմազանովը՝ արձագանքելով ԱԳ նախարար Արարատ Միրզոյանի հայտարարությանը, թե՝ ընդդիմությունը չի կողմնորոշվում, թե ինչ է ուզում՝ պատերա՞զմ, թե՞ խաղաղություն։ Միրզոյանը մասնավորեպս նշել էր՝ «ընդդիմությունը չի կողմնորոշվում՝ զոհվել ու տարածքներ ազատագրե՞լ, թե՞ ինչ»։
«Օրինակ, եթե Արցախը, ինչպես իրենք են ասում, հայկական չէր՝ 5000 երեխու ինչի՞ տարան վարի տվեցին։ Իրենք կողմնորոշվո՞ւմ են, թե ինչ են ուզում։ Օրինակ, իրենց 2021թ.-ի ծրագրում գրված էր՝ Արցախի անջատում՝ հանուն փրկության, գրված է՝ Արցախի ինքնորոշման պաշտպանություն։ Այնտեղ գրված չէ, որ Նիկոլ Փաշինյանն ու Արարատ Միրզոյանը և իրենց մյուս ՔՊ-իստները ճանաչեն Արցախն Ադրբեջանի կազմում։ Կամ պատերազմի ժամանակ, Արցախի հայաթափման ժամանակ հանցավոր դիտորդի դեր ստանձնեցին, կամ՝ կողմնորոշվո՞ւմ են իրենք ՀԱՊԿ անդա՞մ են, Եվրասիակա՞ն են, թե՞ արդեն Եվրոպա, Թուրքիա են գնում»,- ասաց Շարմազանովը։
Նա հիշեցրեց նաև, որ ՔՊ ծրագրում նաև Ցեղասպանության ճանաչման մասին է գրված, բայց հիմա ուրացել են Ցեղասպանությունը։
«Իրենց ծրագրում գրվա՞ծ է եղել պատմական և իրական Հայաստանի մասին՝ չի եղել»,- ասաց Շարմազանովը։
Նա հայտնեց նաև, որ Արարատ Միրզոյանին դեռ սկզբից էր ասել, որ հայագիտության մասին իրենց ծրագրում ոչինչ չկա։ Վերջինս էլ համոզել էր իրեն, թե՝ իրենք հայագիտության դեմ ոչինչ չունեն։
«Ընդամենը 1 ամիս դրանից հետո հայապահպանությունը հանեցին։ Իրենց ծրագրում գրվա՞ծ է, որ Հայ առաքելական եկեղեցու դեմ խուժան արշավ սկսեն, Սարդարապատում Վեհափառի առաջ փակեն․․․ էլի ասե՞մ։ Ով, ով, բայց իրենք լեզուները պետք է պահեն ուրիշ տեղ, ընդդիմությունը չի կողմնորոշվում.... ընդդիոմությունը կողմնորոշվում է, որ դուք թրքահպատակ Հայաստանի թշնամիներ եք, որ Արցախը հանձնել եք թշնամիներին, 5000 երեխու կյանք տարել եք վարի եք տվել, 10-յակ հազարավորի ինվալիդ եք սարքել ու գնացել Արցախի վրա բայրաքթար թափող թուրքերի դեմ ծնկի եք եկել։ Կողմնորոշվեք, մենք կողմնորոշվել ենք՝ մենք Հայկի կողմից ենք, դո՞ւք ում կողմից եք, Բելի՞։ Սելը ճռռալու տեղ՝ սելվորն է ճռռում, արա, հլը դրանց նայի․ էդ մեր խորհրդարանական ընդդիմության մեղքն է, որ դրանց լեզուները էդքան երկարել է»,- ասաց Շարմազանովը։
