Օկուպացված Արցախի Հանրապետությունից բռնի տեղահանված անձանց մի քանի խնդիրներ կստանան համապատասխան լուծումներ
«Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի պետական հաշվառման մասին» օրենքում և կից ներկայացված օրենքների նախագծերի փաթեթում փոփոխություն և լրացում կատարելու մասին օրենքի նախագիծը երկրորդ ընթերցմամբ քննարկվել է ԱԺ պետական-իրավական հարցերի մշտական հանձնաժողովի՝ հունիսի 12-ի արտահերթ նիստում:
Հիմնական զեկուցող, ՀՀ արդարադատության նախարարի տեղակալ Արմենուհի Հարությունյանը տեղեկացրել է, որ առաջինից երկրորդ ընթերցում ընկած ժամանակահատվածում նախագծերի փաթեթում փոփոխություններ չեն կատարվել:
Ըստ հիմնական զեկուցողի՝ փաթեթը միտված է Լեռնային Ղարաբաղից բռնի տեղահանված մեր հայրենակիցների առկա մի քանի խնդիրների լուծմանը, մասնավորապես, իրավաբանական անձանց պետական գրանցման հետ կապված նոր ժամկետների սահմանմանը՝ մինչև դեկտեմբերի 1-ը: Մյուս կարգավորվող խնդիրը ԼՂ կուտակային համակարգում ձևավորված կենսաթոշակային խնայողությունները ՀՀ գործող կենսաթոշակային ֆոնդ տեղափոխելու հնարավորությունն է:
Հարակից զեկուցող, Պետական-իրավական հարցերի մշտական հանձնաժողովի անդամ Լիլիթ Մինասյանը տեղեկացրել է, որ խնդրահարույց դեպքերը շատ են եղել և լսելով Լեռնային Ղարաբաղի մեր հայրենակիցների հորդորը՝ Կառավարությունը ձեռնամուխ է եղել խնդիրների լուծմանը: Պատգամավորն առաջարկել է օրենքի նախագծին կողմ քվեարկել:
Հանձնաժողովը դրական եզրակացություն է տվել օրենքների նախագծերի փաթեթին:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
