Շատ հարցեր ունենք Սուրեն Պետրոսյանին, որ որոշենք՝ այս ճանապարհը միասին անցնո՞ւմ ենք, թե՞ ոչ. Բագրատ Uրբազան

Սուրեն Պետրոսյանին ես հանդիպելեն հունիսի 13-ի երեկոյան` այդ դեպքից հետո, որը մեզ համար անհասկանալի մնաց, խոսել եմ իր հետ, շատ մանրամասն քննարկել ենք հարցերը, ինքը պատմել է եղելությունը` ինչ-որ տեղի ունեցել է և ես ընդունել եմ այնպես, ինչպես պատմել է, որովհետև այլ միջոց չունենք քննելու, քննություն անցկացնելու էլ կարիք չկա: Այս մասին այօսր հրավիրված ասուլիսում ասաց Բագրատ արքեպիսկոպոս Գալստանյանը: 

«Սուրենը խնդրեց, որ մի քանի օրով արտերկիր պիտի մեկնի: Վերադարձին մենք շատ հարցեր ունենք Սուրենին, թե ինչ է տեղի ունեցել ամբողջության մեջ և նաև որոշելու` այդ ճանապարհը միասին անցնո՞ւմ ենք, թե՞ ոչ: Շատ հարցեր ունենք, և այդ հարցերը գալիս են թե' լրագրողներից, թե' քաղաքական գործիչներից, թե' մտահոգ մարդկանցից: Ես հարթակից էլ եմ ասել, որ  այդ օրը Սուրեն Պետրոսյանը, ըստ մեզ տրված տեղեկությունների, առևանգվել է: Դա ինքը պիտի կարողանա հաստատել և ըստ այդմ դրան համապատասխն գործընթացներ սկսել»: 

Սրբազանը նշեց, որ Պետրոսյանին, ուզեցել են, ըստ իր ներկայացման, ուղղակիորեն դուրս պահել շարժումից:

«Հունիսի 12-ի առավոտյան տարբեր մարդկանց են հեռաձայնել, հրավիրել են ինչ-որ տեղ, այդ թվում` Սուրեն Պետրոսյանին: Ինքը չի գնացել առավոտյան, բայց երեկոյան, ժամը 18:00-ի կողմերը իրենք են մոտեցել Պետրոսյանին: Սև մեքենայով երկու հոգի, մի քանի հոգի էլ այլ կողմերից, նստեցրել են մեքենան և տարել են, իր պատմելով, Հրազդան»,- պատմեց Սրբազանը:

Գալստանյանը նշեց, որ ինքն էլ շատ հարցեր ունի Պետրոսյանին, որից հետո որոշումները կկայացվեն: