Փաշինյանի աներորդու հայտարարագիրը. 7 անշարժ գույք ունի, 1 նոր VOLVO
168.am-ը գրում է. 7 անշարժ և 1 շարժական գույք․ Ազգային ժողովի իշխող՝ «Քաղաքացիական պայմանագիր» կուսակցության պատգամավոր Հրաչյա Հակոբյանի՝ 2024 թվականին ներկայացրած հայտարարագրից մի հատված է սա։ Մինչ հայտարարագրին իր ողջ «հմայքով» անդրադառնալը՝ փոքրիկ հիշեցում, թե ով էր Հրաչյա Հակոբյանը մինչև հեղափոխությունը։
Հրաչյա Հակոբյանը Նիկոլ Փաշինյանի տիկնոջ՝ Աննա Հակոբյանի եղբայրն է, մասնագիտությամբ՝ դերասան․ նկարահանվել է մի քանի սերիալում և գեղարվեստական ֆիլմերում։ Ճիշտ ժամանակին աներձագ Հրաչի կարիերայի ու հայտարարագրի կողքով անցնում են 2018 թվականի թավշյա իրողությունները, և պատգամավոր Հակոբյանը սկսում է հայտարարագրել նոր տներ, հողամասեր ու մեքենաներ։
Այսպիսով, պաշտոնատար անձի` 2023 թվականի գույքի, եկամուտների, ծախսերի և շահերի հայտարարագրից տեղեկանում ենք, որ Հրաչյա Հակոբյանը հայտարարագրում պահպանել է 7 անշարժ գույք, այդ թվում՝
2005 թվականին գնված երկու հողամաս Երևան քաղաքի Ավան վարչական շրջանում, որոնք տնօրինում է միանձնյա:
2012 թվականին որպես ժառանգություն ստացած և բաժնային սեփականություն հանդիսացող բնակարան Շենգավիթ վարչական շրջանում և նույն թվականին գնված մեկ այլ բնակարան դարձյալ նույն համայնքում, որը տնօրինում է համատեղ սեփականության իրավունքով։
Երկար ընդմիջումից հետո արդեն 2020 թվականին Հրաչյա Հակոբյանը միանգամից ձեռք է բերում հողամաս և հողամասի վրա կառուցված անհատական բնակելի տուն, որոնք տնօրինում է միանձնյա սեփականության իրավունքով։ 2 անշարժ գույքն էլ պատգամավորը ձեռք է բերել Ձորաղբյուրում։
2021 թվականին, հավանաբար շատ հավանելով Ձորաղբյուրի տարածքը, նա հողամասի վրա կառուցված մեկ այլ անհատական բնակելի տուն է գնում՝ դարձյալ նույն տեղում։
Նոր Վոլվո․ Հրաչյա Հակոբյանի հերթական ձեռքբերումը
2023 թվականի մայիսին Հրաչյա Հակոբյանը գնել է 2021 թվականի արտադրության «Վոլվո» մակնիշի մեքենա, որի համար, ըստ հայտարարագրի, վճարել է 18 միլիոն դրամ։
Իշխանական պատգամավորի դրամական միջոցները
Պատգամավորը բանկային հաշվի մնացորդներ է գրանցել մի քանի բանկում, որոնց մասին տվյալները պաշտպանված են։ Տվյալ տարվա սկզբում դրամական միջոցներն ունեցել են հետևյալ տեսքը՝ 11 600 ԱՄՆ դոլար, 8 499 474 դրամ և 2,000 եվրո, տարեվերջին պակասել են միայն դրամով արտահայտված միջոցները՝ կազմելով 3 251 687 դրամ։
Հրաչյա Հակոբյանի կանխիկ միջոցները թե՛ 2023 տարեսկզբին, թե՛ տարեվերջին կազմել են 2 միլիոն 500 հազար դրամ։
Նկատենք՝ պատգամավորի հաշվետու տարվա եկամուտները՝ 11 միլիոն 274 025 դրամի չափով, գոյացել են ինչպես ԱԺ-ից ստացած աշխատավարձից, որը կազմել է 9 միլիոն 834,020 դրամ, այնպես էլ՝ հանրային տարբեր շրջանակների ներկայացուցիչներից, որոնց հետ ունեցած դատական վեճերը հօգուտ իրեն են լուծվել։
Ստացված վարկերի և փոխառությունների մայր գումարի մնացորդը հաշվետու տարվա դեկտեմբերի 31-ի դրությամբ կազմել է 22 միլիոն 842 974 դրամ։ 2023 թվականին վարկի մարմանն ուղղված վճարումները կազմել են 15 միլիոն 795 977 դրամ։
Նիկոլ Փաշինյանի աներձագը նաև հայտարարագրել է Բ26 ՍՊԸ-ում ունեցած իր 100 տոկոս բաժնեմասը։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
