Իրանում շահագործման է հանձնվել Ռեշտ-Կասպյան երկաթուղային գիծը

Իրանում մասնագետները շահագործման են հանձնել Կասպից ծովի հարավային ափի Գիլան նահանգում գտնվող Ռեշտ-Կասպյան երկաթուղային գիծը, որը Հյուսիս-Հարավ միջազգային տրանսպորտային միջանցքի մաս է կազմում։ «ՌԻԱ նովոստի»-ին գրում է, որ այդ մասին հայտնում է Իրանի կառավարությունը։

Իրանի հյուսիսում գտնվող Ռեշտ քաղաքից մինչև Կասպից նավահանգիստ ընկած հատվածը Ռեշտ-Աստարա երկաթուղու շինարարության սկզբնական փուլն է։ Հետագայում նախատեսվում է կառուցել գծերի հաջորդ հատվածը Կասպից նավահանգստից մինչև Իրանի հյուսիս-արևմուտքում գտնվող Աստարա քաղաքը։

«2024 թվականի գարնան վերջին օրը նախագահի պաշտոնակատարի (Մուհամմադ Մոխբերի) մասնակցությամբ շահագործման է հանձնվել Ռեշտ-Կասպյան երկաթուղու մի հատվածը»,-ասվում է իրանական կառավարական ալիքում տեղադրված հաղորդագրության մեջ։

Իրանական ISNA լրատվական գործակալության փոխանցմամբ՝ Ռեշտ-Կասպյան երկաթուղին Իրանի երկաթուղային ամենակարևոր և առաջնահերթ նախագծերից մեկն է որը ավարտելու է Հյուսիս-Հարավ միջազգային տրանսպորտային հատվածը։ Այս նախագիծը մեծ նշանակություն ունի Մերձավոր Արևելքի երկրների և Եվրոպայի հետ Իրանի առևտրի համար։

Ռեշտ-Կասպյան երկաթգիծը, 37 կիլոմետր երկարությամբ, թույլ է տալիս միացնել Իրանի հարավային և հյուսիսային նավահանգիստները, որը կապահովի Կասպից ծովի կակը Պարսից և Օման ծոցերի հետ: Ըստ Գիլան նահանգի շինարարության հաստատման գծով փոխնահանգապետ Մուսա Ֆակուրի, այս երկաթուղային նախագծի աշխատանքները սկսվել են հինգ տարի առաջ: