Ավտովթար՝ Վանաձոր-Ստեփանավան ավտոճանապարհին․ կան տուժածներ և մեկ զոհ (լուսանկար)

 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

 

Պարզվել է, որ Վանաձոր-Ստեփանավան ավտոճանապարհի մոտ 12-րդ կմ-ին բախվել են «Opel» (վարորդ՝ Ա․ Ռ․, ծնված 1984 թ․) և «VAZ» (վարորդ՝ Դ․ Հ․, ծնված 1972 թ․) մակնիշների ավտոմեքենաները։

 

Մինչ փրկարարների կանչի վայր հասնելը՝ «Opel» մակնիշի ավտոմեքենայի ուղևորներ Ա․ Ա․-ն (ծնված 2001 թ․), Լ․ Գ․-ն (ծնված 2001 թ․), Գ․ Ա․-ն (ծնված 1963 թ․) և Ա․ Ա․-ն (ծնված 1957 թ․) տեղի ուժերով տեղափոխվել են բժշկական կենտրոններ, Ա․ Ն․-ն, Ա․ Ռ․ն և «VAZ» մակնիշի ավտոմեքենայի վարորդը հոսպիտալացվել են բժշկական կենտրոն․ «VAZ» մակնիշի ավտոմեքենայի ուղևոր Մ․ Հ․-ն (ծնված 1966 թ․) տեղում մահացել է։

 

Փրկարարները «VAZ» մակնիշի ավտոմեքենայից դուրս են բերել ուղևոր Մ․ Հ․-ի արգելափակված դին և մոտեցրել դի տեղափոխող ավտոմեքենային։