Սոչի-Երևան չվերթի ինքնաթիռը փոխել է ուղղությունն ու վայրէջք կատարել Թբիլիսիում

Սոչի-Երևան չվերթն իրականացնող ինքնառիթը վայրէջք չի կարողացել կատարել Երևանում և փոխել է ուղղությունն ու վայրէջք է կատարել Թբիլիսում։

Դոհա-Երևան, Մոսկվա-Երևան, Ռիգա- Երևան, Դուբայ-Երևան, Սոչի-Երևան  չվերթները չէին կարողանում վայրէջք կատարել «Զվարթնոց» օդանավակայանում:

Ժամը 02։15-ի դրությամբ` օդանավակայանի չվացուցակից պարզ է դառնում, որ որոշ չվերթներն իրականացնող ինքնաթիռներին հաջողվել է վայրէջք կատարել։

Այսիպիսով` Դոհայից ժամանող ինքնաթիռը վայրէջք է կատարել 02։02-ին, Մոսկվայից ժամանող ինքնառիթը նախատեսված` 01։25-ի փոխարեն վայրէջք է կատարել 01։52-ին, Ռիգայից ժամանող ինքնաթիռը  վայրէջք է կատարել 50րոպե ուշացումով` 02։05-ին, Դուբայից ժամանող ինքնաթիռները` 02։14-ին։

Սոչիից Երևան ժամանող ինքնաթիռը օդանավակայանում կլինի 03։00-ին։

Երևան ժամանող մի շարք չվերթներ ուշացում կարգավիճակն ունեն` Անթալիայից ժամանող չվերթը 36րոպե ուշացում ունի, 19րոպե Հռոմից ժամանողը` Երևան կհասնի 02։29-ին, Աթենքից ժամանողը 03։20-ի փոխարեն Երևանում կլինի 04։12-ին, Վիեննայից ժամանողը Երևանում կլինի 33րոպե ուշ` 04։28-ին։