«Կանգ չառանք, երբ ամիսներով կամ տարիներով բացակայում էր աշխատավարձը». Վահե Տեր-Մինասյանը հեռացել է «Շանթ» ՀԸ-ից
Ուռուցքաբան-գինեկոլոգ Վահե Տեր-Մինասյանը 14 տարի աշխատելուց հետո, հեռանում է «Շանթ» հեռուստաընկերությունից։
«Ես ու իմ հեղինակած ու վարած «Բուժ ինֆո» հաղորդաշարի ամբողջ անձնակազմը դադարեցնում ենք համագործակցությունը «Շանթ» հեռուստաընկերության հետ։
Վերջին 14 տարիների ընթացքում իմ հրաշալի կոլեկտիվի հետ պատրաստել ու եթեր ենք հեռարձակել ավելի քան 1400 հաղորդում՝ ամեն անգամ համոզված լինելով, որ կօգնենք ինչ-որ մեկին կանխարգելել, վաղ փուլում հայտնաբերել կամ գրագետ բուժել այս կամ այն հիվանդությունը։
Մենք երբեք կանգ չառանք, որովհետև ունեինք և ունենք հրաշալի անձնակազմ, որն աշխատեց ցրտին ու շոգին՝ չջեռուցվող և չզովացվող տաղավարներում։ Կանգ չառանք, երբ ամիսներով կամ անգամ տարիներով բացակայում էր աշխատավարձը…
Մենք կանգ չառանք, որովհետև աշխատել ենք Ձեզ համար։
Ուզում եմ իմ խորին շնորհակալությունն ու երախտագիտությունը հայտնել մեր նախագծի շրջանակներում երբևէ աշխատած բոլոր-բոլորին՝ պրոֆեսիոնալիզմի, նվիրվածության և, իհարկե, հավատարմության համար։
Անսահման շնորհակալ եմ իմ հեռուստադիտողին՝ շնորհակալ եմ, որ Դուք կաք ու գնահատում եք մեր տարիների աշխատանքը»,- Facebook-ում գրել է Տեր-Մինասյանը։
Նա տեղեկացրել է նաև, որ սա իր եթերային ծրագրերի ավարտը չէ։
«Շատ շուտով սպասեք մեզ այլ հարթակում և այլ ֆորմատով և հիշեք ամենակարևորը՝ մենք աշխատում ենք ձեզ համար»,- հավելել է բժիշկը։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
