Ոչ մի անմեղ մարդ չպետք է պատասխանատվության ենթարկվի չգործած հանցանքի համար, առավել ևս` ուրիշի կատարածի համար․ փաստաբան

Հ Ա Ղ Թ Ա Ն Ա Կ Ի   Ա Մ Ր Ա Պ Ն Դ ՈՒ Մ

 

Քիչ առաջ ՀՀ քրեական վերաքննիչ դատարանը (նախագահությամբ` Արղամանյանի, Դատավորներ` Նիկողոսյանի և Հարությունյանի) թիվ ԵԴ1/1394/01/23 քրեական գործով մերժեց դատախազի կողմից արդարացման դատավճռի դեմ բերված վերաքննիչ բողոքը։ Նշեմ, որ դեռևս այս տարվա փետրվարին Դատավոր Մուշեղ Արամյանը ճանաչել և հռչակել էր ծանր հանցագործության մեջ մեղադրվող պաշտպանյալիս (պատժվում է ազատազրկմամբ՝ 3-7 տարի ժամկետով)` Խաչիկ Սամվելի Տոնոյանի անմեղությունը։ Դատախազն իր բողոքում, ի թիվս այլնի, խնդրել էր մեղավոր ճանաչել պաշտպանյալիս և որպես պատիժ նշանակել 4 տարի ազատազրկում։

 

Նշեմ, որ ողջ քրեական գործը կառուցվել էր ընդամենը մեկ անձի հակասական և ոչ արժանահավատ ցուցմունքի շուրջ։ Խաչիկ Տոնոյանին մեղադրում էին թմրամիջոցներ իրացնելու փորձի մեջ. փորձի, քանի որ պարզվել էր, որ պաշտպանյալիս դեմ ստահոդ տեղեկություններ հայտնած անձնավորության մոտ հայտնաբերված փաթեթներում թմրամիջոցի փոխարեն շաքարի փոշի էր եղել։ 

 

Սա որպես հավելյալ տեղեկատվություն, իսկ անկյունաքարայինն այն է, որ պաշտպանյալս արդարացվել է նրա համար, որ ՉԻ ԿԱՏԱՐԵԼ այն արարքը, որում իրեն մեղադրել են։

 

Հ.Գ

Ոչ մի անմեղ մարդ չպետք է պատասխանատվության ենթարկվի չգործած հանցանքի համար, առավել ևս` ուրիշի կատարածի համար...