Կարևորել եմ ՀՀ տնտեսության զարգացման ծրագրում մասնավոր ընկերությունների դերակատարումը․ նախարար

Այսօր այցելել եմ «Վիվա Արմենիա» ՓԲ ընկերություն, որտեղ գլխավոր տնօրեն Արմեն Ավետիսյանի ուղեկցությամբ շրջել եմ ընկերությունում, ծանոթացել ենթակառուցվածքներին։ Ֆեյսբուքյան իր էջում գրում է ԲՏԱ նախարար Մխիթար Հայրապետյանը․
 

«Արմեն Ավետիսյանը ներկայացրել է վերջին տարիների ձեռքբերումները, իրականացրած ներդրումային ծրագրերն ու զարգացման տեսլականը: Նշվել է, որ հիմնական ներդրումներն ուղղվել են ցանցի զարգացմանը և նոր տեխնոլոգիաների ներդրմանը:

 

Կարևորել եմ Հայաստանի տնտեսության զարգացման ծրագրերում մասնավոր ընկերությունների ունեցած դերակատարությունը՝ ուղղված հեռահաղորդակցության և տեղեկատվական տեխնոլոգիաների ոլորտի առաջընթացին։
 

Տեղի ունեցած քննարկման ընթացքում, որին մասնակցել են «Վիվա Արմենիա» ընկերության ներկայացուցիչները, անդրադարձ է կատարվել նաև աշխատանքի ընթացքում ծագած խնդիրներին, լուծման հետ կապված դժվարություններին։ Աշխատակիցները ներկայացրել են իրենց ակնկալիքները և առաջարկությունները դրանց վերացման ուղղությամբ։ Քննարկվել են լուծման մի շարք տարբերակներ ու հնարավորություններ։ Երկուստեք վերահաստատել ենք պետություն-մասնավոր արդյունավետ համագործակցությունը շարունակելու, համատեղ ծրագրեր կյանքի կոչելու պատրաստակամությունը:
 

Հանդիպմանը մասնակցել է նաև ԲՏԱ փոխնախարար Գևորգ Մելիքսեթյանը»,- գրել է նախարարը: