Իջևանի դենդրոպարկը որպես Ազգային Արժեք շուտով կվերանա կառավարության անսքող վատ վերաբերմունքի պատճառով (լուսանկարներ)
«Իջևանի դենդրոպարկը որպես Ազգային Արժեք շուտով կվերանա կառավարության անսքող վատ վերաբերմունքի պատճառով։ 2024 թ օգոստոսի 1֊ին կլրանա 4 տարին, ինչ Իջևանի գինու կոնյակի գործարանի տերերը սկսեցին քանդել Աղստև գետի հունը, իբր դեպի գործարանի գետափնյա պատը փոքրիկ առվակ ուղղելու համար, և իբր էսթետիկ տեսք ստանալու համար։ Համենայն դեպս ինձ այդպես ասացին իմ անհանգստանալուն ի պատասխան։ Բոլորին հայտնի է, որ բարձրացրել ենք տագնապ»,-ֆեյսբուքյան իր էջում ահազանգում է Մեխակ Սայադյանը։
Նա նշում է.
«Ավերվել է Աղստև գետի հունը մոտ 800 գծ/մ, մոտ 2 հա մակերեսով։
Գետի հունը խորացվել է 1֊ից մինչև 2,5 մ, ինչի հետևանքով այգին մնացել է առանց ոռոգման ջրի։ Չորացել են հազարավոր ծառեր և թփեր։
Դենդրոպարկի հազվագյուտ կոլեկցիայից վերացել են 250 տեսակ հազվագյուտ ծառեր և թփեր՝ ընդհանուր հաշվով 1500 հատ։ Չորացել է նաև 24.000 տնկի։
Դիմել ենք ՀՀ Նախագահին, Վարչապետին, Գլխավոր դատախազին, Ոստիկանության պետին, Քննչական կոմիտեի նախագահին, ՄԻՊ֊ն, Բնապահպանության և ընդերքի տեսչությանը, ՇՄ նախարարին, Աժ համապատասխան հանձնաժողովի նախագահին, Տավուշի մարզպետին, Իջևանի քաղաքապետին։
Հարուցված է քրեական գործ, որը դոփում է տեղում երեք տարուց ավելին։
Մեղադրյալ չկա։ Չկա ու չկա...
Իսկ Հհ Նախագահը և Վարչապետը ընդհանրապես չեն պատասխանել։
Մոտ երկու տասնյակ հոդվածով անտեսվել և ոտնահարվել է Սահմանադրությունը։
Իմ բազմաթիվ նամակներս, զգուշացումներս, բանավոր և գրավոր բողոքներս մնացին անհետևանք։
Ավելին, այգու մի մասը, որի տարածքը կազմում էր 5,7 հա, մեզնից խլվեց և վարձակալությամբ տրվեց Իջևանի գինու կոնյակի գործարանին, երևի որպես պարգևատրություն՝ գետի հունը լավ ավերելու համար։
Ինձ և երեք աշխատողներիս հեռացրին աշխատանքից, հաստիքների կրճատման պատրվակ֊հիմնավորումով։
2023թ աշնանը Իջևանի գինու կոնյակի գործարանի տերերը երեք տարի անց կառուցեցին լրացուցիչ ջրառ, որին ես ասացի, որ նույնիսկ երկու սեզոն չի դիմանա։
Հենց առաջին գարնանը այն ավերվեց և ավելի բարդացրեց այգու վիճակը։
Բազմաթիվ անգամ զգուշացրել եմ, որ գետի հունին առհասարակ չի կարելի ձեռք տալ, չի կարելի շինարարություն անել։
Որ դա բերելու է աղետի։
Ոչ ոք դա չլսեց։ Արդյունքը առկա է։
Լուսանկարները խոսում են այդ մասին։
Նյութը նախատեսված է վերը նշված բոլոր մարմինների համար։
Չորացած ծառերը և թփերը հաշվառված չեն։ Վնասը հաշվված չէ առ այսօր։
Չորացած ծառերից և թփերից տարածվում են հիվանդություններ և վնասատուներ։
Այգին կարող է վերանալ իսպառ։
Ավելացնեմ, որ այգին ստեղծվել է մեր ընտանիքի ֆինանսական միջոցներով, որ պետական ոչ մի կոպեկ ու լումա ներդրված չէ տասնյակ հազարավոր տնկիների ձեռք բերման համար, 63 տարվա մեջ։
Ընդհակառակն, տնկիներ ենք աճեցրել և նվիրել պետությանը»։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
