ԵՄ-ն բանակցություններ է սկսել Ադրբեջանից Ուկրաինայի տարածքով գազի մատակարարման շուրջ
Եվրամիությունը բանակցություններ է վարում Կիևի և Բաքվի հետ Ուկրաինայի տարածքով Ադրբեջանից գազ մատակարարելու շուրջ, գրում է Bloomberg-ը:
Պարբերականը մեջբերում է Ադրբեջանի նախագահ Իլհամ Ալիևի խոսքերն այն մասին, որ Ուկրաինան և Եվրամիությունը դիմել են Բաքվին՝ առաջարկելով Ուկրաինայի տարածքով Եվրոպա բնական գազ մատակարարել տարեվերջին Ռուսաստանի հետ գործող պայմանագրի ժամկետի ավարտից հետո:
Բանակցությունները շարունակվում են Ուկրաինայի և ԵՄ իշխանությունների, ինչպես նաև Ռուսաստանի հետ, և բոլոր կողմերը, նրա խոսքով, շահագրգռված են շարունակել մատակարարումները: Ինչպես նշում է պարբերականը, Ալիևը հայտարարել է, որ Ադրբեջանը փորձում է «զգույշ» լինել՝ հերքելով ռուսական գազի վերաարտահանման մեղադրանքները:
Իր հերթին Ուկրաինայի նախագահ Վլադիմիր Զելենսկին այս ամսվա սկզբին հայտարարել էր, որ իր երկիրը բանակցություններ է վարում Ադրբեջանից ԵՄ բնական գազի մատակարարման շուրջ, քանի որ ձգտում է պահպանել տարանցիկ երկրի իր դերը և օգնել ապահովել իր արևմտյան հարևանների էներգետիկ անվտանգությունը: Ռուսական գազը ադրբեջանական մատակարարումներով փոխարինելու գործարքը «առաջարկներից մեկն է», որն այժմ քննարկվում է, ասել է Զելենսկին Bloomberg-ին տված հարցազրույցում։
ԵՄ-ն փորձել է հրաժարվել ռուսական գազից Ուկրաինա ներխուժելուց հետո, սակայն եվրոպական որոշ պետություններ շարունակում են այն ստանալ Ուկրաինան հատող խողովակաշարով:
Տարանցիկ համաձայնագրերն ընդգրկող համաձայնագրի ժամկետը լրանում է 2024-ի վերջին, սակայն կան ենթադրություններ, որ մատակարարումները կդադարեն ժամանակից շուտ:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
