ԲՏԱ նախարարն այցելել է Պոլիտեխնիկական համալսարան՝ շնորհավորել պատվավոր հորիզոնական զբաղեցնելու համար
ՀՀ ԲՏԱ նախարար Մխիթար Հայրապետյանն այցելել է Հայաստանի ազգային պոլիտեխնիկական համալսարան՝ շնորհավորելու ՀԱՊՀ և ԳՆԿԿ (CSIE) համագործակցության շրջանակներում ՀԱՊՀ-ի օդային ռոբոտատեխնիկայի ուսումնահետազոտական կենտրոնում ձևավորված ուսանողական թիմին «American Control Conference 2024» գիտաժողովի ընթացքում «Quanser» ընկերության կողմից կազմակերպված ինքնավար մեքենաների մրցույթում պատվավոր երրորդ հորիզոնականը զբաղեցնելու համար։ Այդ մասին նա գրել է ֆեյսբուքյան իր էջում։
«Այցի ընթացքում հանդիպել եմ ՀԱՊՀ ուսանողական համակազմից թիմի անդամների հետ, որոնք ցույց են տվել իրենց նախագծի նորարարությունը: Քննարկվել են միջազգային նմանատիպ միջոցառումներին Հայաստանի ներկայության ամրապնդման համար ապագա համագործակցության հնարավոր ուղղությունները, կարևորվել բարձր տեխնոլոգիաների ոլորտում տաղանդների ներգրավումը:
Հանդիպմանը ներկա էին ՀԱՊՀ գիտության գծով պրոռեկտոր, ֆ-մ.գ.դ, պրոֆեսոր Աշոտ Խաչատրյանը, ՀԱՊՀ միջազգայնացման և բարեփոխումների գծով պրոռեկտոր, տ.գ.թ. դոցենտ Սարգիս Ասատրյանցը, ՀԱՊՀ մինչբուհական կրթության գծով պրոռեկտոր, ֆ-մ.գ.թ. դոցենտ Էլբակ Էլբակյանը, Իլինոյսի համալսարանի մեխանիկայի և մեքենաշինության ամբիոնի պրոֆեսոր, թռչող սաքերի AVIATE կենտրոնի տնօրեն և ԳՆՆԿ գիտական խորհրդատու Նաիրա Հովակիմյանը, Մասաչուսեթսի տեխնոլոգիական ինստիտուտի միջուկային գիտությունների և ճարտարագիտության պրոֆեսոր Արեգ Դանագուլյանը, ԳՆԿԿ տնօրեն Րաֆֆի Պաղճեանը, գիտաշխատող Աստղիկ Հակոբյանը, ինչպես նաև ակադեմիական շրջանակների և գիտական հետազոտությունների ներկայացուցիչներ:
Նշեմ, որ մրցույթին մասնակցել են աշխարհի առաջատար համալսարանները ներկայացնող 39 թիմեր, որոնցից միայն 11-ն են հաղթահարել առաջին փուլը և ներկայացել Կանադայում։ Չնայած բարդություններին՝ հայկական թիմը կարողացել է հենց առաջին փուլից հայտնվել լավագույն եռյակում և հնչեցնել Հայաստանի օրհներգը նման պատվավոր գիտաժողովի ընթացքում։
Մրցույթի ընթացքում ուսանողները ուսումնասիրել են ավտոմատ կառավարման առաջատար մեթոդներ և կիրառել համակարգչային տեսողության ալգորիթմներ՝ լուծելով իրենց առջև դրված խնդիրները։ Առաջին փուլի ընթացքում մշակված ալգորիթմները ներդրվել են «Quanser» ընկերության «QLab» վիրտուալ միջավայրում՝ «QCar» վիրտուալ ռոբոտի վրա և գրանցել են առաջադրված երթուղու վազանցը 31 վայրկյանի ընթացքում։
Այնուհետև արդեն Կանադայում երկրորդ փուլի ընթացքում նույն ալգորիթմը կիրառվել է իրական ռոբոտի վրա։ Երթուղով անցնելիս ռոբոտի վրա կիրառված ալգորիթմն ամբողջովին ավտոնոմ կերպով պահպանել է երթևեկության բոլոր կանոնները՝ մնալով երթևեկելի գոտում»։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
