Մարմարաշենցիներին խոստացել են Հյուսիս-հարավ մայրուղու վրա կամուրջ կառուցել

Արդեն 4 տարի է` Արարատի մարզի Մարմարաշեն համայնքի բնակիչները զրկված են իրենց արոտավայրերը օգտագործելու հնարավորությունից. Հյուսիս-հարավ մայրուղին փակել է համայնքի հողերից օգտվելու հնարավորությունը: Մարմարաշենցիները քանիցս բողոքել են, որ չեն կարողանում կտրել-անցնել մայրուղին և զրկված են իրենց հողերը մշակելու հնարավորությունից:

Այսօր ևս մարմարաշենցիները փորձել են փակել մայրուղին` պահանջելով ճանապարհի վրա կամուրջ կառուցել` չսահմանափակել իրենց հողատարածքներից օգտվելու իրավունքը:

Newspress.am-ին Մարմարաշենի համայնքապետ Էդվարդ Հակոբյանը պարզաբանեց, որ մարմարաշենցիները ոչ թե ցանկանում են ճանապարհ փակել, այլ իրենց ճանապարհը բացել:
Հյուսիս-հարավ ծրագրի ներկայացուցիչները, ըստ նրա, հանդիպել են բողոքողներին, խոստացել, որ մեկ ամիս հետո կսկսվի կամրջի շինարարությունը, բնակիչների հետ հանդիպել-խոսել է նաև Արարատի փոխմարզպետը, նաև Հյուսիս-հարավ մայրուղու ինժեներները:

Արթուր Հակոբյանը նաև նշեց, որ համայնքի մոտ 280 հա հողերը մնացել են մայրուղու մյուս կողմում և գյուղացիները չեն կարողնում մշակել հողատարածքները և զբաղվել անասնապահությամբ:

«Հյուսիս-հարավը մեծ ծարգիր է,կառուցում են` կառուցեն, թող մեզ չխանգարեն»,- ասաց նա, հավելելով, որ գարնան մեկնարկի հետ ճանապարհի հարցը կրկին բարձրացել է:

Համայնքապետի փոխանցմամբ, Հյուսիս-հարավ մայրուղու վրա վերգետնյա անցում է կառուցվելու: