Միջազգային հանրությունը թեթևացած շունչ քաշեց սեպտեմբերի 23-ին. Նիկոլ Փաշինյանի հայտնությունից իմանալով, որ «ապագա կա´». Լևոն Զուրաբյան

Միջազգային հանրությունը թեթեւացած շունչ քաշեց սեպտեմբերի 23-ին, ՄԱԿ-ի Գլխավոր Ասամլեայի նիստին հնչած Նիկոլ Փաշինյանի հայտնությունից իմանալով, որ «ապագա կա´»: Նման դիտարկմամբ է հանդես եկել ՀԱԿ փոխնախագահ Լևոն Զուրաբյանը՝ անդրադառնալով նախօրեին Նյու Յորքում ՄԱԿ-ի Գլխավոր վեհաժողովի 79-րդ նստաշրջանի շրջանակում տեղի ունեցած «Ապագայի գագաթնաժողովում» Նիկոլ Փաշինյանի ելույթին։

«Այդ օրը Հայաստանը հեղափոխություն կատարեց դիվանագիտության մեջ, դառնալով պատմության մեջ առաջին երկիրը, որը ՄԱԿ-ի Գլխավոր Համաժողովում վեհաբար չզբաղվեց քաղաքականությամբ եւ սեփական շահերի պաշտպանությամբ, ընդհանրապես չշոշափեց Հայաստանի անունը կամ նրա խնդիրները, այլ դիմեց ամբողջ աշխարհի համար օրինակելի փիլիսոփայական ներշնչման վրա հիմնված մեդիտացիայի:

Նիկոլ Փաշինյանի ելույթի բովանդակությունը.

- «Ապագա կա» ոչ միայն Հայաստանի համար, այլեւ ամբողջ աշխարհի համար:
- Ապագայի բանալին` հենվել «պոզիտիվ նարատիվների» վրա:
- Անցյալը արդեն եղել պրծել է, ներկայում շատ բան փոխել հնարավոր չէ, պետք է կենտրոնանալ ապագայի ձեւավորման վրա:
- Ինչ լինում իրականության մեջ, նախ տեղի է ունենում մեր մտքերի մեջ:
- Սկզբում էր Խոսքը, Խոսքը Աստծու հետ էր, եւ Խոսքը Աստված էր:
- Հետեւաբար, պետք է սկսել լավ խոսքերից, որպես թեորեմ առաջ քաշել «Ապագա կա´» կարգախոսը եւ ապացուցել այն:

Ժողովուրդ ջան, կարճ ասած` աննախադեպ ք...-ի մեջ ենք»,- նշել է նա ֆեյսբուքում: