Բացահայտվել են կաշառքի դիմաց բնակիչների սոցիալական անապահովության նպաստառու ձևակերպելու դեպքեր
ՀՀ հակակոռուպցիոն կոմիտեում քննված քրեական վարույթով կատարված նախաքննությամբ հիմնավորվել է, որ Կ. Պ.-ն, հանդիսանալով Լոռու մարզի համայնքապետարաններից մեկի պաշտոնատար անձ, նույն մարզի գյուղերից մեկի մի խումբ բնակիչների սոցիալական անապահովության նպաստառու ձևակերպելու համար, վերջիններից որպես ապօրինի վարձատրություն և կաշառք պահանջել և պարբերաբար ստացել է նպաստի ամսական գումարներ, ընդհանուր՝ մոտ 1 մլն ՀՀ դրամ։
Մասնավորապես՝ պարզվել է, որ Կ. Պ.-ն 2016-2021 թթ. ընթացքում, Լոռու մարզի բնակավայրերից մեկի մի խումբ բնակիչների, նախատեսված հիմքերի բացակայության պայմաններում, սոցիալական անապահովության նպաստառու ձևակերպելու նպատակով վերջիններից տարբեր ժամանակահատվածներում որպես ապօրինի վարձատրություն և կաշառք պահանջել և պարբերաբար ստացել է 120 հազար ՀՀ դրամից մինչև 254.000 ՀՀ դրամ գումարներ:
Բացի այդ, նախաքննությամբ հիմնավորվել է, որ Կ. Պ.-ն, 2022 թվականի նոյեմբերի 15-ից մինչև 2023 թվականի մայիսի 16-ը Լոռու մարզի նույն բնակչի օգտին ապօրինի գործողության, այն է՝ նախատեսված հիմքերի բացակայության պայմաններում վերջինիս նպաստառուների ցուցակում ընդգրկելու և նպաստ ստանալու գործընթացի իրականացման համար պահանջել և որպես կաշառք ստացել է նպաստի ամսական գումարներ՝ այդ կերպ օժանդակելով պետությունից խարդախությամբ խոշոր չափերով գումարների հափշտակությանը։
Վերը նշված հանցավոր արարքների համար Կ. Պ.-ին մեղադրանք է ներկայացվել ՀՀ նախկին քրեական օրենսգրքի 311․1-րդ հոդվածի 2-րդ մասի /3 դրվագ/, 311–րդ հոդվածի 1–ին մասով, ինչպես նաև ՀՀ քրեական օրենսգրքի 435–րդ հոդվածի 2–րդ մասի 3–րդ կետով, ՀՀ քրեական օրենսգրքի 46-255–րդ հոդվածի 3–րդ մասի 2–րդ կետով /2 դրվագ/ և 46-255–րդ հոդվածի 1–ին մասով:
Պատճառված վնասը նախաքննության ընթացքում ամբողջությամբ վերականգնվել է:
Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են դատարան՝ ըստ էության քննելու համար:
Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
