Այո', այդ պաշտոնում պետք է լինի ՔՊ թիմի անդամ. Արփի Դավոյանը՝ Գրիգոր Մինասյանի հրաժարականի մասին

Մենք կատարել ենք մեր վերահսկողական գործառույթը, և դա մանրամասնելու համար երկար ժամանակ է պետք: Համենայն դեպս, մենք գտնվում ենք մեր տեղում, մենք անում ենք մեզ վերապահված գործառույթները: Այս մասին այսօր լրագրողների հետ զրույցում ասաց ՔՊ-ական պատգամավոր Արփի Դավոյանը: 

Դիտարկմանը, թե եթե Գրիգոր Մինասյանի հրաժարականի պահանջի պատճառների մասին չի խոսվում, գուցե ճիշտ է Մինասյանը, երբ ասում է, որ խարդավանքներ կան, Դավոյանը պատասխանեց. «Ես ասում եմ այն, ինչ տեղի է ունեցել և չեմ մեկնաբանում նմանատիպ խոսակցությունները: Այդ մտահոգությունները մեկ օրում չեն ի հայտ եկել, որովհետև, երբ գործընթաց է տեղի ունենում և ուսումնասիրում ենք բազմաթիվ կարծիքներ և փաստեր, դա ժամանակատար է, հետևաբար խոսել, որ դա երեկ որոշվեց, դրա մասին ճիշտ չի խոսել»: 

Նա ընդգծեց, որ կարծում է, թե արդարադատության նախարարի պաշտոնը շատ կարևոր է և, իր կարծիքով, այնտեղ գտնվող մարդը պետք է քաղաքական թիմի անդամ լինի: 

Դավոյանը նշեց նաև, որ հրաժարականի պահանջի պատճառը փոխնախարար Սիրվարդ Գևորգյանի նշանակումը չէ, դա նույնիսկ միջադեպ էլ չէ: