ՀՀ-ում ԱՀԿ ներկայացուցիչների հետ քննարկել են պատվաստվելու արդյունավետության բարձրացման հարցը

Ս.թ. հոկտեմբերի 1-ին Հիվանդությունների վերահսկման և կանխարգելման ազգային կենտրոնի գլխավոր տնօրեն Ստեփան Աթոյանը հյուրընկալել է ԱՀԿ ներկայացուցիչներին՝ դոկտոր Սիդարթա Դատտայի գլխավորությամբ։
 

Հատուկ ընդգծվել է ԱՀԿ համագործակցության կարևորությունը պատվաստումային գործընթացների արդյունավետության բարձրացման, միջազգային առողջապահական կանոնների (IHR) ներդրման, հիվանդությունների համաճարակաբանական դիտարկման և հանրային առողջապահության արտակարգ իրավիճակների օպերացիոն կենտրոնի (PHEOC) հզորացման, համաճարակներին արձագանքման և պատրաստվածության, լաբորատոր կարողությունների հզորացման, հակամանրէային դեղերի նկատմամբ կայունության, բժշկական միջամտություններով պայմանավորված վարակների կանխարգելման և վերահսկման, վարակիչ հիվանդությունների, կենդանիների, մարդկանց և շրջակա միջավայրի առողջության փոխկապակցվածության՝ «Մեկ առողջության» մոտեցման կիրառման և ռիսկերի հաղորդակցության ու համայնքների ներգրավման ուղղությամբ։
 

 ՀՎԿԱԿ գլխավոր տնօրենը և մյուս պատասխանատուները ներկայացրեցին ՀՎԿԱԿ ներկայիս աշխատանքի հիմնական ուղղությունները, ունեցած ձեռքբերումները, ինչպես նաև մասնագիտական այն առաջնահերթ խնդիրները, որոնց ուղղությամբ կցանկանային ստանալ ԱՀԿ օժանդակությունը:
 

 ԱՀԿ հայաստանյան ներկայացուցիչը համագործակցության և աջակցության պատրաստակամություն և հետաքրքրվածություն է ցուցաբերել՝ վերոնշյալ խնդիրներին լուծում տալու համար։
 

 Հանդիպման ավարտին ՀՎԿԱԿ գլխավոր տնօրեն Ստեփան Աթոյանն ու ԱՀԿ հայաստանյան ներկայացուցիչ Սիդարթա Դատտան շրջայց են կատարել ՀՎԿԱԿ բաժիններով։