Գազամատակարարման պլանային դադարեցում կլինի Լոռու մարզի մի շարք բնակավայրերում

«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ (Թումանյանի ԳԲԿ-ի կապիտալ նորոգում) իրականացնելու նպատակով` հոկտեմբերի 10-ին ժամը 09։00-ից մինչև հոկտեմբերի 11-ը ժամը 21։00-ն, կդադարեցվի Լոռու մարզի Թումանյան քաղաքի, Այգեհատ (Դանուշավան), Օձուն, Ամոջ, Կարմիր Աղեկ, Լորուտ, Մարց, Արևածագ, Արդվի, Հագվի, Դսեղ, Մղարթ, Ծաթեր, Քարինջ, Չկալով, Դեբեդ, Ձորագետավան բնակավայրերի գազասպառողների, «Թուֆենկյան Հոսփիթալիթի» ՍՊԸ-ի հյուրանոցային համալիրի, ՔՈԱՖ ԱՄԱՐԹ կենտրոն-ի, «Սարգիս», «Ձաղիձոր» ՍՊԸ-ների ԱԳԼՃԿ-ների, նշված բնակավայրերում գործող այլ տարբեր նշանակության հանրային կազմակերպությունների գազամատակարարումը։

Պլանային աշխատանքներ (Վանաձոր-2 ԳԲԿ-ի կապիտալ նորոգում) իրականացնելու նպատակով՝ հոկտեմբերի 10-ին ժամը 09:00-ից մինչև հոկտեմբերի 11-ը ժամը 21:00-ն, կդադարեցվի Լոռու մարզի Վանաձոր քաղաքի, Դարպաս, Շահումյան, Բազում, Լեռնապատ, Արջուտ, Արջուտ կայարան բնակավայրերի գազասպառողների, «Սեզամ- Գազ», «Տիգրան և Հայկ», «Բեսթ Գազ», «Տաթև Պրո», «Արձագանք», «Նոր գազ» ՍՊԸ-ների ԱԳԼՃԿ-ների, նշված բնակավայրերում գործող այլ տարբեր նշանակության հանրային կազմակերպությունների գազամատակարարումը։

«Ընկերությունը հայցում է գազասպառողների ներողամտությունը և խնդրում պահպանել անվտանգության պահանջները»,-ասված է ընկերության հաղորդագրության մեջ: